Дар Агентии омор ба ифтихори ҷашни Истиқлолияти давлатӣ ҷамъомади тантанавӣ доир шуд
ДУШАНБЕ, 07.09.2023 /АМИТ «Ховар»/. Дар Агентии омори назди Президенти Ҷумҳурии Тоҷикистон бахшида ба 32-солагии Истиқлолияти давлатии Ҷумҳурии Тоҷикистон ва ҳамзамон маросими супоридани мукофотҳои давлатӣ ба фаъолони соҳаи омор ҷамъомади тантанавӣ баргузор гардид.
АМИТ «Ховар» бо истинод ба Агентии омори назди Президенти Ҷумҳурии Тоҷикистон иттилоъ медиҳад, ки дар маросим нахуст оид ба аҳамияти Истиқлолияти давлатӣ, дастовардҳои сиёсӣ, иқтисодӣ ва иҷтимоии 32 соли даврони соҳибистиқлолӣ таҳти сарварии Президенти мамлакат муҳтарам Эмомалӣ Раҳмон ибрози назар намуд.
Гуфта шуд, ки давоми сиву ду соли соҳибстиқлолӣ, ки дар назди таърих муддати зиёде нест, тамоми соҳаҳои иқтисодиву иҷтимоии ҷумҳурӣ ба таври назаррас рушду тавсеа ёфт.
Сипас, Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода ба ду корманди варзидаи соҳаи омори давлатӣ- сардори Муассисаи давлатии «Маркази кулли ҳисоббарорӣ» Саидакбар Қурбонов ва муовини сардори Раёсати системаи ҳисобҳои миллӣ ва омори молияи Агентӣ Ҳукмиддин Қамарзода, ки аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо медали «Хизмати шоиста» қадрдонӣ гардидаанд, дар маросими ботантана мукофотҳои давлатии Ҷумҳурии Тоҷикистонро супорид.
АКС: Агентии омори назди Президенти Ҷумҳурии Тоҷикистон
Роҳҳои ҳудуди деҳаи Тосқалъаи ноҳияи Восеъ ба масофаи 15 километр мумфарш карда мешавад
Дар доираи корҳои ободонӣ мумфаршкунии роҳҳои маркази шаҳри Турсунзода идома дорад
Роҳи ҷумҳуриявии Душанбе — Шарора — Ҳисор пурра мумфарш карда мешавад
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Имсол дар Тоҷикистон чанд дармонгоҳи нав сохта шуд?
РӮЗИ ФАРҲАНГИ НОҲИЯИ ШАҲРИНАВ. Ин чорабинӣ дар фазои идона баргузор шуд
РӮЗИ ФАРҲАНГИ НОҲИЯИ ПАНҶ. Деҳқонон беҳтарин маҳсулоти кишоварзиро пешниҳоди сокинону меҳмонони пойтахт намуданд
Корхонаи ғанигардонии мису қалъагӣ аз нав ба кор оғоз менамояд
Дар даври дуюми Озмуни ҷумҳуриявии «Тоҷикистон-Ватани азизи ман» 2677 довталаб иштирок менамояд
Варзишгоҳи марказии шаҳри Ваҳдат навсозӣ карда мешавад
Дар деҳаи Себистони ноҳияи Данғара майдончаи варзишӣ ба истифода дода шуд
Имрӯз дар пойтахт Рӯзҳои фарҳангии ноҳияҳои Спитамен, Шаҳринав ва Панҷ баргузор мегардад
