Дар Бӯстон корҳои барқарорсозии кӯли шаҳрӣ оғоз ёфтанд
ДУШАНБЕ, 15.09.2023. /АМИТ «Ховар»/. Дар доираи омодагӣ ба истиқболи сазовори 35-солагии Истиқлолияти давлатии Ҷумҳурии Тоҷикистон аз тарафи Мақомоти иҷроияи ҳокимияти давлатии шаҳри Бӯстон корҳои барқарорсозии кӯли шаҳрӣ оғоз гардиданд. Дар ин хусус ба АМИТ «Ховар» дар мақомоти мазкур хабар доданд.
Бо мақсади оғози корҳои барқарорсозӣ имрӯз иҷрокунандаи вазифаи Раиси шаҳри Бӯстон Нигорахон Ғаффорзода ба кӯли шаҳрӣ рафта, бо мутахассисону кормандон суҳбат анҷом дод ва корҳои барқарорсозӣ шуруъ шуданд.
Таъкид гардид, ки Ҳукумати Ҷумҳурии Тоҷикистон ба масъалаи ободу зебо гардонидани ҳар гӯшаи ҷумҳурӣ ва ба ин восита ҷалб намудани меҳмонону сайёҳон тадбирҳои судмандро амалӣ намуда, раванди корҳои ободониву созандагӣ дар тамоми гӯшаву канори мамлакат идома дорад. Шаҳри Бӯстон, ки дарвозаи вилояти Суғд маҳсуб шуда, ба он ҳамарӯза меҳмонони дохиливу хориҷӣ ташриф меоранд, бояд ба макони ободу зебо табдил дода шавад.
Ба масъулини Раёсати Хоҷагии манзилию коммуналӣ ҷиҳати иҷрои сифатноки корҳо ва ҳарчӣ зудтар бо сифати баланд ба иҷро расонидани он дастуру супоришҳо дода шуд.
Иттилоъ дода шуд, ки барои барқарорсозии кӯли мазкур мутахассисони баландихтисос ҷалб мешаванд. Барои рӯйпӯшкунии қабати болоии кӯли шаҳрӣ хоки махсус аз шаҳри Исфара ворид гардида, пас аз анҷоми корҳои таъмиру барқароркунӣ ин мавзеъ ба шукуҳу шаҳомати пештараи хеш баргашта, ба макони истироҳату саёҳати сокинону меҳмонон табдил меёбад.
АКС: Мақомоти иҷроияи ҳокимияти давлатии шаҳри Бӯстон
Иҷрои нақшаи бунёди иншооти ҷашнӣ дар вилояти Хатлон 112 фоиз таъмин гардидааст
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон агрегати №7-и Неругоҳи барқи обии «Норак»-ро баъд аз таъмиру навсозӣ ба истифода доданд
Ҳаҷми истеҳсоли маҳсулоти саноатӣ дар соҳаи коркард беш аз 20 фоиз зиёд шудааст
