Дар Донишгоҳи давлатии молия ва иқтисоди Тоҷикистон бахшида ба Рӯзи дониш маҷлиси тантанавӣ гузаронида шуд
ДУШАНБЕ, 02.09.2023 /АМИТ «Ховар»/. Дирӯз бахшида ба Рӯзи дониш дар Донишгоҳи давлатии молия ва иқтисоди Тоҷикистон бо иштироки устодону кормандон ва донишҷӯён маҷлиси тантанавӣ баргузор гардид, хабар медиҳад АМИТ «Ховар» бо истинод ба ин донишгоҳ.
Ректори донишгоҳ Ҳакимбек Абдуалимзода ҳозиринро бо оғози соли таҳсили 2023-2024 ва Рӯзи дониш муборакбод намуда, гуфт, ки «чун анъана дарси аввали Рӯзи дониш бо дарси сулҳ оғоз мегардад ва он рамзӣ аст, зеро сулҳу оромӣ кафолати рушду нумуи ҷумҳурӣ ва зиндагии осудаи мардум мебошад. Маҳз дар давраи соҳибистиқлолӣ рушд намудани соҳаи маориф ба суботи мамлакат ва дастгириҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста аст».
Муовини аввали Вазири молияи Ҷумҳурии Тоҷикистон Ҷамшед Каримзода аз номи Ҳукумати Ҷумҳурии Тоҷикистон устодону донишҷӯёнро бо Рӯзи дониш табрик намуда, заҳмати омӯзгорро дар таълиму тарбияи ҷавонон ва насли наврас назаррас хонд.
Таъкид гардид, ки имрӯз Тоҷикистони соҳибистиқлол таҳти сиёсати хирадмандонаву маорифпарваронаи Президенти Ҷумҳурии Тоҷикистон Эмомалӣ Раҳмон ва ба шарофати мардуми мамлакат ба давраи сифатан нави рушди иҷтимоиву иқтисодии худ ворид гардида, дар таҳкими минбаъдаи рукнҳои давлатдорӣ, раванди созандагиву бунёдкорӣ ва тарбияи насли солиму ояндасоз қадамҳои устувор гузошта истодааст.
Имрӯз дар назди омӯзгорон дар самти таълиму тарбияи насли наврас ва ҷавонон вазифаҳои бисёр муҳим меистанд, ки иҷрои он, аз як ҷониб бисёр пурзаҳмат буда, аз тарафи дигар, кори арзишманд ва пуршараф мебошад. Дар шароити имрӯзаи ҷаҳонишавӣ зарур аст, ки дар ҳамкорӣ бо оила ва муассисаҳои таълимӣ наслеро тарбия намуда, ба воя расонем, ки онҳо, пеш аз ҳама, дорои тафаккури созанда, ҷаҳонбинии фарох, мусаллаҳ бо донишҳои муосир, зираку соҳибмаърифат ва худшиносу ватанпарвар гардида, барои рушду ободии ояндаи ҷумҳурии соҳибистиқлол содиқона хизмат намоянд ва дар арсаи ҷаҳонӣ давлату миллати худро ба таври сазовор муаррифию пуштибонӣ намоянд.
Зимнан донишҷӯёнро даъват намуданд, ки аз шароити созгор истифода бурда, барои рушди камолоти хеш ва баланд бардоштани ифтихори ватандориву худшиносиашон талош намоянд.
Баъдан дар синфхонаҳо дарси сулҳ оғоз гардид.
АКС: Донишгоҳи давлатии молия ва иқтисоди Тоҷикистон
ПАЙВАНДИ ИЛМ БО ИСТЕҲСОЛОТ. Донишгоҳи давлатии тиҷорати Тоҷикистон аз қисмати назариявии корҳои илмӣ ба қисмати амалӣ мегузарад
Мактаби зимистона оид ба коҳиши хатари офатҳои табиӣ ва мутобиқшавӣ ба тағйирёбии иқлим ифтитоҳ шуд
НИШАСТИ МАТБУОТӢ. Дар Донишгоҳи техникии Тоҷикистон қариб 700 шаҳрванди хориҷӣ таҳсил менамояд
НИШАСТИ МАТБУОТӢ. Дар 53 ихтисоси Донишгоҳи аграрии Тоҷикистон барномаҳои таълимии нави намунавӣ таҳия шудаанд
НИШАСТИ МАТБУОТӢ. Донишгоҳи давлатии тиҷорати Тоҷикистон бо 11 муассисаи таҳсилоти олии касбии хориҷи мамлакат шартномаи ҳамкорӣ дорад
НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
Дар Маркази таълимии касбомӯзии Донишгоҳи давлатии омӯзгорӣ 100 нафар ба таълим фаро гирифта шуд
НИШАСТИ МАТБУОТӢ. Донишгоҳи давлатии омӯзгории Тоҷикистон мутахассисони баландихтисосу забондон омода менамояд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
Дар Донишгоҳи технологии Тоҷикистон «Стратегияи муқовимат ба терроризм ва экстремизм дар Ҷумҳурии Тоҷикистон» баррасӣ гардид
БАРДОШТ АЗ ПАЁМ. Дар шаҳри Панҷакент 4 бинои нави мактаб ва 1 кӯдакистон сохта мешавад
