Дар Хоруғ ғолибони даври вилоятии Озмуни «Беҳтарин шаҳру ноҳия, шаҳраку деҳот, маҳаллаи аҳолинишин ва хонаи истиқоматӣ» муайян гардиданд
ХОРУҒ 21.09.2023 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон даври сеюми Озмуни «Беҳтарин шаҳру ноҳия, шаҳраку деҳот, маҳаллаи аҳолинишин ва хонаи истиқоматӣ» баргузор шуд, ки дар он намояндагони мақомоти давлатии шаҳру ноҳияҳои вилоят иштирок намуданд, хабар медиҳад мухбири минтақавии АМИТ «Ховар» Файз Мирасан.
Муовини раиси вилоят изҳор дошт, ки ба истиқболи 35-солагии Истиқлолияти давлатии Ҷумҳурии Тоҷикистон тибқи Амри Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади тарбияи ҳисси зебоипарастӣ, ватандӯстӣ, ободкорӣ, эҳтиром ба арзишҳои миллӣ Озмуни «Беҳтарин шаҳру ноҳия, шаҳраку деҳот, деҳа, маҳалли аҳолинишин ва хонаи истиқоматӣ» ба роҳ монда шуд ва даври шаҳриву ноҳиявии ин озмун ҷамъбаст гардид.
Зебоии шаҳр, қабл аз ҳама, аз хонаи истиқоматии мо, ҳавлӣ ва кӯчаи мо шуруъ мешавад.Талаботи асосии озмун дар номинатсияи хонаи беҳтарин- намои берунӣ ва дохилит хонаи истиқоматӣ, тозагии атрофи он, истифодаи оқилонаи замини наздиҳавлигӣ, истифодаи нақшу нигори миллӣ ва иштироки фаъоли аҳли хонавода дар корҳои ҷамъиятиву давлатӣ мебошад.
Масъулини шаҳру ноҳияҳои вилоят бо истифода аз навору аксҳо аз натиҷаи даври шаҳрию ноҳиявии озмун ба масъулини мақомоти иҷроияи ҳокмияти давлатии вилоят гузориш дода, баён доштанд, ки пас аз ба тасдиқи қарори раиси вилоят доир ба иҷрои амри Президенти Ҷумҳурии Тоҷикистон дар ноҳияҳо ҳайати тадорукотии озмун таъсис ёфт. Ба ҳайати ҳакамон беҳтарин мутахассисони соҳа ҷалб гардиданд ва онҳо ба ҳар номинатсия баҳои холисонаву беғаразона дода, дар муҳлати муайянгардида беҳтарин хонаи истиқоматӣ, шаҳраку деҳот, маҳалла ва ноҳияву шаҳрро муайян намуданд.
Аъзои комиссияи даври вилоятӣ бори дигар аксу наворҳои пешниҳодшударо мавриди баррасӣ қарор дода, ғолибони озмуни даври вилоятиро муайян ва онҳоро бо мукофоти пулӣ сарфароз гардониданд.
Ҳоло ғолибони даври вилоятӣ ба озмуни ҷумҳуриявӣ омодагӣ мебинанд.
АКС: АМИТ «Ховар»
Доир ба нақши Президенти Тоҷикистон дар рушди забони давлатӣ бо ҷавонони фаъоли ноҳияи Тоҷикобод вохӯрӣ баргузор шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун ду иншооти дигарро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Роғун бинои нави нозироти андози шаҳрро ифтитоҳ намуданд
Пешвои миллат Эмомалӣ Раҳмон дар маркази шаҳри Роғун бинои нави Прокуратураро ифтитоҳ намуданд
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
