Дар Муассисаи таълимии деҳаи Даҳкати ноҳияи Деваштич синфхонаҳои иловагӣ ба истифода дода шуд

ДУШАНБЕ, 24.09.2023 /АМИТ «Ховар»/. Бахшида ба 32-солагии Истиқлолияти давлатии Ҷумҳурии Тоҷикистон дар Муассисаи таҳсилоти миёнаи умумии №11-и деҳаи Даҳкати ноҳияи Деваштич 8 синфхонаи иловагӣ мавриди истифода қарор дода шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Тибқи иттилои масъулин, бинои иловагӣ бо харҷи 1 миллиону 100 ҳазор сомонӣ барои 200 хонанда сохта шуда, барои таълиму тарбияи наврасон шароити зарурӣ фароҳам оварда шудааст.

Роҳбарияти ноҳия зимни суҳбат бо омӯзгорону хонандагон ва сокинони деҳаи Даҳкат аз таваҷҷуҳи хоссаи Ҳукумати мамлакат ба соҳаи маориф ёдовар шуда, аҳли маорифро даъват намуданд, ки хонандагонро дар руҳияи ватандӯстиву меҳнатдӯстӣ тарбия намоянд.

АКС: Хадамоти матбуоти Раиси вилояти Суғд