«ИЛМ-ФУРӮҒИ МАЪРИФАТ». Дар шаҳри Ҳисор даври минтақавии озмуни ҷумҳуриявӣ оғоз ёфт
ДУШАНБЕ, 26.09.2023 /АМИТ «Ховар»/. Дар шаҳри Ҳисор даври сеюми (минтақавии) Озмуни ҷумҳуриявии «Илм-фурӯғи маърифат» оғоз гардид, ки дар он ғолибони даври дуюм аз шаҳру ноҳияҳои Ҳисор, Турсунзода, Роғун, Ваҳдат, Шаҳринав, Рудакӣ, Варзоб ва Файзобод иштирок намуда, донишу малака месанҷанд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд.
Роҳбарияти шаҳри Ҳисор барои дар сатҳи баланди ташкиливу маънавӣ баргузор гардидани озмун шароити зарурӣ муҳайё намуда, дар коллеҷҳои омӯзгориву тиббӣ, Мактаби президентӣ барои хонандагони болаёқат дар шаҳри Ҳисор, муассисаҳои таҳсилоти миёнаи умумии рақамҳои 2 ва 5 синфхонаҳои муҷаҳҳазро барои озмун омода ва пешниҳод намуданд.
Зимни ифтитоҳи озмун муовини Раиси шаҳри Ҳисор Бунафша Юлдошзода гуфт, ки «бо Амри Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади дарёфти истеъдодҳои нав, ҷалби бештари хонандагону донишҷӯён ва дигар қишрҳои ҷомеа ба омӯзиши фанҳои риёзӣ, дақиқ ва табиӣ соли сеюм аст, ки дар ҷумҳурӣ озмуни ҷумҳуриявии «Илм-фурӯғи маърифат» баргузор мешавад».
Рушди тафаккури техникӣ, васеъ намудани ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ, пайвасти илм бо истеҳсолот, инчунин дарёфти истеъдодҳои нав дар ин самт имкон медиҳад, ки Барномаи давлатии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (солҳои 2020-2040) дар мамлакат самаранок татбиқ шавад.
Президенти Академияи илмҳои кишоварзии Тоҷикистон бо ҷараёни озмун шинос гардида, ҳакамони озмунро ба шаффофият ва баҳогузории одилона ба донишу малакаи довталабон ҳидоят намуд.
Дар рӯзи аввали озмун довталабон аз 8 шаҳру ноҳияи тобеи ҷумҳурӣ- Ҳисор, Турсунзода, Шаҳринав, Рӯдакӣ, Ваҳдат, Варзоб, Роғун ва Файзобод иштирок намуданд. Онҳо аз рӯи номинатсияҳои математика, физика, химия, биология, география, технологияи иттилоотӣ ва навоварӣ – ихтироъкорӣ санҷида мешаванд.
Дар озмун аз шаҳри Ҳисор 117 нафар донишҷӯёну хонандагони муассисаҳои таҳсилотӣ иштирок менамоянд.
Даври минтақавии Озмуни ҷумҳуриявии «Илм-фурӯғи маърифат» то 30 сентябр идома меёбад.
АКС: Мақомоти иҷроияи ҳокимияти давлатии шаҳри Ҳисор
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
Имрӯз дар Душанбе ғолибони Фестивал-озмуни «Як матову сад ранг» муайян мегарданд
Донишҷӯёни Коллеҷи омори шаҳри Ваҳдат дар озмунҳои ҷумҳуриявӣ фаъолона иштирок менамоянд
Дар шаҳри Гулистон Озмуни шаҳрии «Оилаи намунавӣ» баргузор гардид
Дар Ҳисор даври шаҳрии Озмуни ҷумҳуриявии «Фурӯғи субҳи доноӣ китоб аст» оғоз шуд
«ТОҶИКИСТОН — ВАТАНИ АЗИЗИ МАН». 51 довталаб аз ноҳияи Данғара ба даври вилоятии озмун роҳхат гирифт
«ИЛМ – ФУРӮҒИ МАЪРИФАТ». 60 довталаб аз Донишгоҳи техникии Тоҷикистон ба даври дуюми озмун роҳхат гирифт
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
