ИСТИҚЛОЛИЯТ-ОМИЛИ РУШДИ АФКОРИ МИЛЛИИ КИТОБДОРӢ. Дар Душанбе бо иштироки китобдорон ҳамоиш доир шуд

Сентябрь 9, 2023 17:55

ДУШАНБЕ, 09.09.2023. /АМИТ «Ховар»/. Дар Муассисаи давлатии «Агентии миллии созмони байналмилалии рақамгузории стандарти китоб-Хонаи китоби Тоҷикистон» бахшида ба 32-солагии Истиқлолияти давлатии Ҷумҳурии Тоҷикистон таҳти унвони «Истиқлолият-омили рушди афкори миллии китобдорӣ» конференсияи илмӣамалӣ ва намоиши китоб баргузор гардид, хабар додан ба АМИТ «Ховар» дар Хонаи китоби Тоҷикистон.

Дар конференсия олимону мутахассисони варзидаи МД «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон, директори Китобхонаи марказии илмии ба номи Индира Гандии Академияи миллии илмҳои Тоҷикистон, директори Муассисаи нашриявии «Ирфон», роҳбарони  китобхона ва  мутахассисони соҳа иштирок намуданд.

Директори Муассисаи давлатии «Агентии миллии созмони баналмилалии рақамгузории стандарти китоб-Хонаи китоби Тоҷикистон» Сайзароб Нодирзода ҳозиринро бо 32- солагии Истиқлолияти давлатии Ҷумҳурии Тоҷикистон табрик гуфта, иброз дошт, ки «воқеан, истиқлолу озодӣ бузургтарин неъмат, шаъну шараф, нангу номус, обрӯю эътибори ҳар соҳибватан ва шарти асосии мавҷудият ва ифтихори миллат ба ҳисоб меравад. Истиқлоли давлатӣ дар ҳаёти миллати тоҷик рӯйдоди муҳими таърихӣ буда, дар баробари дигар соҳаҳои иқтисоди миллӣ барои пешрафти илму маориф, фарҳанг, аз ҷумла рушди соҳаи китобдорӣ шароити воқеан мусоид фароҳам овард».

Тазаккур дода шуд, ки аз солҳои аввали Истиқлолият соҳаи китобдорӣ аз ҷониби Ҳукумати мамлакат ва хосса Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастгирӣ меёбад. Аз ҷумла, қабули якчанд санадҳои меъёрии ҳуқуқӣ, консепсия ва барномаҳои рушди соҳаи китобдорӣ, бунёди китобхонаҳои нав дар марказҳои шаҳру деҳоти мамлакат гувоҳи ин аст.

АКС: Муассисаи давлатии «Агентии миллии созмони байналмилалии рақамгузории стандарти китоб-Хонаи китоби Тоҷикистон»

Сентябрь 9, 2023 17:55

Хабарҳои дигари ин бахш

Теъдоди аз табларзаи Денге фавтидагон дар Бангладеш аз 1600 нафар гузашт
Соҳибкорон ва истеҳсолкунандагони Эрон ба сармоягузорӣ дар соҳаҳои гуногуни иқтисоди Тоҷикистон даъват шуданд
Бо ташаббуси Ташкилоти ҷамъиятии «Садоқат» дар «Кохи Суруш» консерти хайриявӣ баргузор мегардад
Имрӯз дар Тоҷикистон борони кӯтоҳмуддат ба амал меояд
Байни Вилояти Мухтори Кӯҳистони Бадахшон ва вилояти Свердловск Созишномаи ҳамкорӣ ба имзо расид
Имрӯз дар баъзе ноҳияҳои Тоҷикистон чангу ғубор ба амал меояд
Дар ноҳияи Хуросон барои пешгирӣ аз ҳолатҳои фавқулодаи эҳтимолӣ омӯзишу тамринҳо гузаронида шуданд
Имрӯз дар Тоҷикистон ҳавои тағйирёбанда дар назар аст
«Дурдонаи шимол -2023»: Сокинони Суғд чиро бурд менамоянд
Имрӯз дар Тоҷикистон ҳаво тағйирёбандаи бебориш мешавад
Хадамоти оташнишонӣ дар муассисаҳои тандурустию таълимии шаҳри Хоруғ санҷиши вазъи бехатарӣ аз сӯхтор гузаронид
Имрӯз дар Тоҷикистон ҳавои тағйирёбандаи бебориш дар назар аст