ИСТИҚЛОЛИЯТ-ВОЛОТАРИН ВА АРЗИШМАНДТАРИН ДАСТОВАРДИ МИЛЛАТИ ТОҶИК. Дар Суди Олӣ бахшида ба ин санаи муҳим ҳамоиш доир шуд
ДУШАНБЕ, 06.09.2023 /АМИТ« Ховар»/. Имрӯз дар Суди Олӣ бахшида ба таҷлили Истиқлолияти давлатии Ҷумҳурии Тоҷикистон бо иштироки роҳбарият, судяҳо ва кормандони дастгоҳи Суди Олӣ, судяҳои судҳои шаҳри Душанбе ва ноҳияҳои он маҷлиси тантанавӣ баргузор гардид, хабар медиҳад мухбири АМИТ «Ховар».
Раиси Суди Олии Ҷумҳурии Тоҷикистон Шермуҳаммад Шоҳиён иброз дошт, ки дар даврони истиқлолият маҳз бо таваҷҷуҳ ва дастгирии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти судии мамлакат ба шохаи мустақили ҳокимият табдил гардида, қонунгузории соҳа ва амалӣ намудани чорабиниҳои дар Барномаи ислоҳоти судӣ-ҳуқуқӣ пешбинигардида зина ба зина тақвият меёбад.
Дар ҳамоиш Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Зариф Ализода ба судяҳои судҳои ҷумҳурӣ ҷоизаҳои давлатиро, ки бо Фармони Президенти Ҷумҳурии Тоҷикистон барои фаъолияти назаррас ба ифтихори 32-солагии Истиқлолияти давлатӣ мукофотонида шудаанд, супорид.
Таъкид гардид, ки истиқлолият волотарин ва боарзиштарин дастоварди миллати тоҷик давоми даҳ асри гузашта ба шумор рафта, маҳз бо шарофати он Тоҷикистон узви баробарҳуқуқи ҷомеаи ҷаҳонӣ эътироф гардидааст.
Гуфта шуд, ки Истиқлолияти давлатӣ имкон дод, ки бори нахуст аз тариқи раъйпурсии умумихалқӣ Конститутсияи нави мамлакат қабул гардида, дар асоси он фаъолияти мақомоти олии қонунгузор, иҷроия ва судии мамлакат таҳким ёфта, аввалин хиштҳои пойдевори истиқлолияти воқеӣ ва давлатдории миллӣ гузошта шаванд.
Дар идомаи маҷлиси тантанавӣ судяҳои Суди Олӣ дар мавзуъҳои «Истиқлолият ва рушди давлатдори миллӣ», «Дастовардҳои Истиқлолияти давлатӣ» ва «Таҳкими ҳокимияти судӣ дар даврони Истиқлолият» маъруза намуданд.
Изҳор гардид, ки маҳз дар ҳамин давра Тоҷикистон ба ташаккули ҷомеаи шаҳрвандӣ, ки асоси давлати демократию ҳуқуқбунёд ва халқу миллатҳои мутамаддин ҳисоб мешавад, шуруъ намуд. Маҳз бо шарофати Истиқлолияти давлатӣ ва қабули Конститутсияи мамлакат имрӯз Тоҷикистон соҳиби ҳокимияти судии мустақил мебошад.
Шаҳлои САДРИДДИН,
АМИТ «Ховар»,
АКС: АМИТ «Ховар»
Муассисаҳои давлатии нигоҳдории роҳҳо зарари офати табииро дар роҳҳои мошингард бартараф менамоянд
Намояндагони Тоҷикистон дар Ню-Йорк дар ҳамоиш оид ба ҳуқуқи занон ба замин иштирок намуданд
Ҳайати Тоҷикистон дар мубоҳисаҳои умумии ҷаласаи 70-уми Комиссияи СММ оид ба мақоми зан иштирок намуд
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
