ЛИГАИ ЧЕМПИОНҲОИ ОСИЁ-2023/24. Дастаҳои «Истиқлол» ва «Ал-Наср» бо ҳам бозӣ менамоянд

ДУШАНБЕ, 26.09.2023 /АМИТ «Ховар»/. Чемпиони Тоҷикистон — дастаи футболи «Истиқлол»-и шаҳри Душанбе дар даври дуюми марҳилаи гурӯҳӣ бо дастаи «Ал-Наср»-и Арабистони Саудӣ, ки дар даври аввал бар дастаи футболи «Персеполис»-и Эрон бо ҳисоби 2:0 пирӯз шуд, бозӣ менамояд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Бозии дастаҳои футболи «Ал-Наср»-и Арабистони Саудӣ ва «Истиқлол»-и шаҳри Душанбе 2 октябр дар варзишгоҳи «Ал-Аввал»-и шаҳри Риёз баргузор шуда, соати 21:00 ба вақти маҳаллӣ (23:00 ба вақти Душанбе) оғоз мешавад.

Ёдовар мешавем, ки 19 сентябр дар Варзишгоҳи марказии шаҳри Душанбе бозии даври аввали марҳилаи гурӯҳии Лигаи чемпионҳои Осиё-2023/24 байни Чемпиони Тоҷикистон- дастаи футболи «Истиқлол»-и шаҳри Душанбе ва «Ал-Дуҳайл»-и Қатар дар сатҳи баланд доир шуда, бо натиҷаи мусовии 0 бар 0 ба анҷом расид.

АКС аз манбаъҳои боз