Тоҷикистон ва Узбекистон дар самти илму маориф лоиҳаҳои муштаракро татбиқ менамоянд
ДУШАНБЕ, 21.09.2023. /АМИТ «Ховар»/. Бо мақсади татбиқи лоиҳаҳои муштарак дар самти илму маориф Вазири маориф ва илми Ҷумҳурии Тоҷикистон Раҳим Саидзода дар шаҳри Тошканд бо вазири таҳсилоти олӣ, илм ва инноватсияи Ҷумҳурии Узбекистон Абдураҳмон Иброҳимов мулоқот намуд. Дар ин хусус ба АМИТ «Ховар» дар маркази матбуоти Вазорати маориф ва илм хабар доданд.
Дар мулоқот масъалаҳои татбиқи лоиҳаҳои муштарак дар самтҳои гуногуни соҳа, омӯхтани таҷрибаи пешқадам ҷиҳати баланд бардоштани сифати таҳсил, омода намудани мутахассисони варзида ва таҳкими муносибатҳои дуҷониба дар самти илму маориф байни давлатҳои дӯсту бародар мавриди баррасӣ қарор гирифт.
Вазири маориф иброз дошт, ки ҳамкории дуҷонибаи Тоҷикистон ва Узбекистон дар соҳаи маориф ва илм дар асоси созишномаи байниҳукуматӣ аз 10 январи соли 1997 шуруъ гардида, дар натиҷаи ташаббусҳои роҳбарони ду давлат тайи солҳои охир ба таври назаррас тавсеа ёфта истодаанд.
Ҳамзамон аз Форуми дуюми ректорони муассисаҳои таҳсилоти олии касбии давлатҳои Осиёи Марказӣ ва Форуми чоруми муассисаҳои таҳсилоти олии касбии Тоҷикистон ва Узбекистон ёдоварӣ шуда, таъкид гардид, ки баргузории чунин чорабиниҳо имкон медиҳад, ки соҳаҳои илму маориф дар мамлакатҳои минтақа аз лиҳози низом ба ҳам наздик шуда, барои вусъати ҳамкории минтақавӣ дар соҳаи илм ва маориф заминаи мусоид ба вуҷуд оварда шавад.
АКС: Маркази матбуоти Вазорати маориф ва илми Ҷумҳурии Тоҷикистон
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
