«ТОҶИКОН» — ОИНАИ ТАЪРИХИ МИЛЛАТ». Дар ин озмун сарбозон низ бо ҳисси ватандӯстӣ донишу маҳорат нишон медиҳанд
ДУШАНБЕ, 16.09.2023. /АМИТ «Ховар»/. Дар вилояти Хатлон 378 нафар довталабон дар Озмуни ҷумҳуриявии ««Тоҷикон» — оинаи таърихи миллат» байни ҳам рақобат доранд. Дар ин хусус ба АМИТ «Ховар» дар Раёсати маорифи вилояти Хатлон хабар доданд.
Яке аз иштирокчиёни фаъол сарбози қисми низомии Вазорати мудофиаи Ҷумҳурии Тоҷикистон Назар Раҳимзода мебошад, ки барои иштирок дар озмун омодагии ҷиддӣ дидааст.
Новобаста ба он ки ӯ сарбоз аст ва масъулияти ҳифзи Ватанро бар дӯш дорад, мегӯяд, ки агар шахс завқу шавқи китобхонӣ дошта бошад, дар дилхоҳ кору масъулият фурсати китобхонӣ ёфта метавонад. Ӯ иброз медорад, ки дар китобхонаи қисми ҳарбӣ баъди фориғ шудан аз тамринҳо ба мутолиаи китоб машғул мешавад. Натиҷаи ба даври вилоятӣ роҳхат гирифтани худро аз мутолиаи зиёд медонад.
Мавсуф изҳор медорад, ки дар қисми низомӣ китобхона фаъолият менамояд, ки сарбозон дар вақтҳои муайяншуда ба мутолиаи китобҳои гуногун машғул мешаванд. Ҳамзамон дар он маҳфили «Китобхонҳо» ташкил шудааст, ки хеле шавқовар мегузарад.
Ба гуфтаи ӯ, мутолиаи ин асар дар замони муосир хеле муҳиму муфид аст. Аз ин рӯ хондан ва дарки маънову мафҳуми ин шоҳасар вазифаи хурду бузурги миллати тоҷик, бахусус насли наврасу ҷавон мебошад.
Ёдовар мешавем, ки Озмуни ҷумҳуриявии ««Тоҷикон» — оинаи таърихи миллат» соли аввал аст, ки таҳти сарпарастии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор мегардад. Он ба дарёфти чеҳраҳои нав, наврасону ҷавонони лаёқатманд, худшиносу худогоҳ, ватандӯст ва таърихдон мусоидат менамояд.
АКС: Раёсати маорифи вилояти Хатлон
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
Дар шаҳри Ҳисор маҳфил-озмунҳои «Тоҷикистони ман!» ва «Шоҳномахонӣ» оғоз гардиданд
«ТОҶИКИСТОН — ВАТАНИ АЗИЗИ МАН». Дар ноҳияи Варзоб даври ноҳиявии озмуни ҷумҳуриявӣ доир шуд
«ИЛМ — ФУРӮҒИ МАЪРИФАТ». Дар Донишгоҳи давлатии Бохтар даври муассисавии озмуни ҷумҳуриявӣ доир шуд
Дар Хуҷанд даври якуми Озмуни ҷумҳуриявии «Тоҷикистон — Ватани азизи ман» баргузор шуд
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
Моҳи май даври дуюми Озмуни ҷумҳуриявии «Фурӯғи субҳи доноӣ китоб аст» баргузор мегардад
Моҳи апрел даври якуми Озмуни ҷумҳуриявии «Илм-фурӯғи маърифат» баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
