Вакилони Маҷлиси намояндагон бо интихобкунандагони шаҳри Ҳисор мулоқот намуданд

Сентябрь 5, 2023 13:11

ДУШАНБЕ, 05.09.2023 /АМИТ «Ховар»/. 4 сентябр вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагони Ҷамоати деҳоти Хонақоҳи Кӯҳӣ ва Дурбати шаҳри Ҳисор мулоқот намуданд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Ҳисор хабар доданд.

Дар мулоқот вакилони мардумӣ вобаста ба Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ»,  ҳифзи истиқлолу озодӣ, гиромидошти арзишҳои неки ниёгон, тарбияи ватандӯстии насли наврасу ҷавон, роҳ надодан ба зиёдаравию хурофотпарастӣ, иштироки фаъолона дар корҳои ҷамъиятӣ ва дигар масъалаҳо сухан гуфтанд.

Иброз гардид, ки вазъи мураккаб ва пешгӯинашавандаи ҷомеаи ҷаҳон ҳар яки моро водор месозад, ки беш аз ҳар вақти дигар ба қадри сулҳу субот ва якдилию ҳамдигарфаҳмӣ расида, баҳри таҳкими пояҳои Истиқлолияти давлатӣ кӯшиш намоем.

Таъкид гардид, ки ҳар сокини мамлакатро зарур аст, ки таъкидҳои ҳамешагии Пешвои миллат муҳтарам Эмомалӣ Раҳмонро дар хусуси истифодаи самараноки замин, рӯёнидани ду-се ҳосил аз як замин ва захираи дусолаи маводи озуқаворӣ дар ҳар оила сармашқи кору зиндагӣ намояд.

Оид ба амалишавии қонунҳои миллӣ «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросим дар Ҷумҳурии Тоҷикистон»  иброз гардид, ки хушбахтона, сокинони мамлакат моҳияти қонунҳои мазкурро сари вақт дарк намуда, ҷиҳати амалӣ намудани меъёрҳои он кӯшиш намуда истодаанд. Аз сокинони шаҳри Ҳисор даъват ба амал оварда шуд, ки ба зиёдаравию таассуб роҳ надода, баръакс баҳри сарфаю сариштакорона истифода намудани маблағҳои оилавӣ кӯшиш намоянд.

Дар мулоқот оид ба таъкидҳои Президенти мамлакат  муҳтарам Эмомалӣ Раҳмон дар Рӯзи дониш дар Донишгоҳи давлатии тиббии Хатлон дар ноҳияи Данғара ёдовар шуда, аз масъулони соҳа даъват ба амал оварданд, ки баҳри баланд бардоштани сифати таълиму тарбия, омоданамоии хонандагон ба озмунҳои ҷумҳуриявӣ, аз ҷумла «Фурӯғи субҳи доноӣ китоб аст», «Тоҷикистон- Ватани азизи ман», «Илм- фурӯғи маърифат» ва «Тоҷикон оинаи таърихи миллат» аз тамоми имконияти мавҷуда самаранок истифода намоянд.

Ёдовар мешавем, ки вакилони Маҷлиси намояндагони Маҷлиси Олии Ҷумҳурии Тоҷикистон аз 4 то 11 сентябр дар шаҳру ноҳияҳои мамлакат бо сокинону фаъолон  суҳбату мулоқотҳо  анҷом медиҳанд.

АКС: Кумитаи иҷроия Ҳизби Халқии Демократии Тоҷикистон дар шаҳри Ҳисор

Сентябрь 5, 2023 13:11

Хабарҳои дигари ин бахш

ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд