Агентии омор: «Дар шаҳри Душанбе ҳолатҳои бастани ақди никоҳ зиёд ва бекоркунии он кам шудааст»
ДУШАНБЕ, 17.10.2023 /АМИТ «Ховар»/. Агентии омори Тоҷикистон аз зиёд шудани ҳолатҳои ақди никоҳ ва коҳиш ёфтани бекоркунии он дар пойтахт иттилоъ медиҳад.
Тибқи хабари Агентии омори назди Президенти Ҷумҳурии Тоҷикистон, дар шаҳри Душанбе давоми шашмоҳаи аввали соли равон 940 ҳолати бекор намудани ақди никоҳ ба қайд гирифта шудааст, ки ин рақам нисбат ба ҳамин давраи соли гузашта 349 ҳолат ё 27,1 фоиз кам мебошад.
Масъулин мегӯянд, ки яке аз сабабҳои кам шудани ҷудошавии оилаҳо- ин бурдани корҳои фаҳмондадиҳӣ дар байни аҳолӣ мебошад.
Ба иттилои манбаъ, бастани ақди никоҳ дар шаҳри Душанбе нисбат ба нимсолаи якуми соли гузашта 341 ҳолат зиёд шудааст. Яъне шумораи никоҳҳои бақайдгирифтаи мақомоти сабти асноди ҳолати шаҳрвандӣ дар шаҳри Душанбе дар моҳҳои январ-июни соли 2023 ба 3428 ҷуфт расидааст, ки нисбат ба ҳамин давраи соли гузашта 11,0 фоиз зиёд мебошад.
Камшавии шумораи никоҳ дар ноҳияи Исмоили Сомонӣ 2,2 фоиз (14 ҷуфт) ба қайд гирифта шудааст. Ин нишондиҳанда дар ноҳияҳои Фирдавсӣ 6,8 фоиз (50 ҷуфт), Шоҳмансур 40,8 фоиз (200 ҷуфт) ва Сино 8,6 фоиз ё 105 ҷуфт зиёд гардидааст.
Коэффитсиенти умумии никоҳ дар моҳҳои январ-июни соли 2023 ба ҳар 1000 нафар аҳолӣ 5,6 ададро ташкил додааст. Камшавии шумораи талоқҳои бақайдгирифта дар ноҳияҳои Фирдавсӣ- 34,7 фоиз (122 ҳолат), Шоҳмансур- 30,0 фоиз (72 ҳолат), Исмоили Сомонӣ- 16,8 фоиз (30 ҳолат) ва Сино- 24,1 фоиз ё 125 ҳолатро ташкил додааст.
Коэффитсиенти бекоркунии ақди никоҳ дар моҳҳои январ-июни соли 2023 ба ҳар 1000 нафар аҳолӣ 1,5 ҳолат рост омадааст. Дар моҳҳои январ-июни соли равон ба 1000 никоҳи басташуда 274 ҷудошавӣ рост омадааст, ки ин нишондиҳанда дар ҳамин давраи соли 2022 418 ҳолатро ташкил медод.
АКС: Агентии омори назди Президенти Ҷумҳурии Тоҷикистон
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
