Ҳайати Тоҷикистон дар Форуми 2-юми миллии Озарбойҷон оид ба шаҳрсозӣ иштирок намуд
ДУШАНБЕ, 05.10.2023 /АМИТ «Ховар»/. Аз 29 сентябр то 1 октябр ҳайати Тоҷикистон таҳти роҳбарии Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода дар Форуми 2-юми миллии Озарбойҷон оид ба шаҳрсозӣ, ки дар шаҳрҳои Зангилон ва Боку баргузор гардид, иштирок намуд. Дар ин хусус ба АМИТ «Ховар» дар Кумитаи меъморӣ ва сохтмони ҷумҳурӣ хабар доданд.
Дар форум ҳайати Тоҷикистонро Сафири Ҷумҳурии Тоҷикистон дар Ҷумҳурии Озарбойҷон Илҳом Абдураҳмон ҳамроҳӣ намуд.
Ҳадафи асосии форум мусоидат ба табодули таҷриба, баланд бардоштани иқтидор, ҳавасмандкунии ҳамкорӣ ва стратегияҳои рушди устувори шаҳрҳо ба ҳисоб рафта, дар форум масъалаҳои мубрами шаҳрсозӣ, аз ҷумла мудирияти самаранок ва сармоягузорӣ дар соҳаи шаҳрсозӣ, иртибот байни тағйирёбии иқлим ва шаҳрсозӣ, корбарии фанновариҳои нав дар ин самт ва аҳамияти шаҳрсозӣ барои рушди устувор баррасӣ шуданд.
30 сентябр дар ҳошияи форум ҷаласаи роҳбарони мақомоти шаҳрсозӣ ва меъморӣ доир гардид, ки дар он Раиси Кумитаи меъморӣ ва сохтмони назди Ҳукумати Ҷумҳурии Тоҷикистон сухан гуфт.
Дар доираи чорабиниҳои форум ҷаласаҳои алоҳида дар мавзуъҳои «Рушди фарогири шаҳр», «Аҳамияти ҳаракати шаҳрӣ дар идоракунии рушди устувори шаҳр», «Шаҳрҳои солим, ҷамоатҳои рушдёбанда: беҳтар намудани сифати зиндагӣ тавассути банақшагирии шаҳр» баргузор гардида, дар онҳо оид ба мушкилот ва роҳҳои ҳалли ҳаракати ҳамгирошудаи шаҳрӣ барои шаҳрҳои устувор ва қобили зиндагӣ, баланд бардоштани некӯаҳволӣ тавассути тарҳрезии шаҳрсозӣ, инчунин ҳаракати устувор дар сатҳи миллӣ табодули афкор доир шуд.
1 октябр дар чаҳорчӯби форум мулоқоти Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода бо Раиси Кумитаи давлатии шаҳрсозӣ ва меъмории Ҷумҳурии Озарбойҷон Анар Гулиев баргузор гардид, ки зимни он ҷонибҳо масъалаҳои марбут ба ҳамкории мутақобил дар соҳаҳои сохтмон, меъморӣ ва шаҳрсозиро баррасӣ намуданд.
АКС: Кумитаи меъморӣ ва сохтмони назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
Дар Душанбе мулоқоти сарвазирони Тоҷикистон ва Бурунди баргузор гардид
РАВАНДИ ОБИ ДУШАНБЕ. Ҷаласаи мавзуии «Об барои сайёра» баргузор шуд
РАВАНДИ ОБИ ДУШАНБЕ. Дар Душанбе ҷаласаи мавзуии «Об барои шукуфоӣ» баргузор гардид
Барои бунёди бинои Сафорати Ҷумҳурии Тоҷикистон дар Давлати Кувайт санги асос гузошта шуд
Қоҳир Расулзода бо Вазири федералии тағйирёбии иқлим ва ҳамоҳангсозии муҳити зисти Покистон Мусаддиқ Масъуд Малик мулоқот намуд
РАВАНДИ ОБИ ДУШАНБЕ. Дар доираи Конфронси сатҳи баланд дар мавзуи «Об барои инсонҳо» ҷаласаи канорӣ баргузор шуд
Қоҳир Расулзода бо муовини Дабири кулли СММ, Котиби иҷроияи ЭСКАТО хонум Армида Салсиаҳ Алисҷаҳбана мулоқот намуд
Идомаи Конфронси байналмилалии Душанбе: таваҷҷуҳ ба масъалаҳои об ва иқлим
Болот Молдобеков: «Ташаббусҳои Президенти Тоҷикистон дар бораи оби тоза, ҳифзи пиряхҳо ва иқлим боиси таҳсин аст»
Аббос Алиободӣ: «Эрон омода аст, ки таҷрибаи худро дар соҳаи обу энергетика бо Тоҷикистон ва ҷаҳон мубодила намояд»
Имрӯз Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 оғоз мегардад
