«АНДАРЗНОМА». Таҳти ин унвон китоби Саймумин Ятимов чоп шуд
ДУШАНБЕ, 30.10.2023. /АМИТ «Ховар»/. Нашриёти муосир китоби «Андарзнома»-и профессор Саймумин Ятимовро интишор намуд, ки дар он суханҳои пандомези мутафаккирони ҳар давру замон ва халқу миллатҳои гуногун ҷамъоварӣ шуда, мавзуъҳои мухталифро дар бар мегиранд, хабар медиҳад АМИТ «Ховар».
«Махсус ҷамъоварӣ намудан, тартиб додан ва ба нашр расонидани маҷмуи зарбулмасал, мақол, шеър ва суханҳои пандомӯз мақсади алоҳида набуд. Солҳо ҳангоми мутолиаи рӯзнома, маҷалла, рисола ва китобҳо суханҳои пандомӯзеро, ки ба назарам бештар писанд меомаданд, интихобан рӯйнавис намуда, сари чанд вақт онҳоро мутолиа менамудам. Баъзеашонро дар кор ҳангоми навиштани мақолаву рисолаҳо истифода мебурдам. Ин суханҳо батамом ҳамкору ҳамсафару ҳамрози ман буданд»,-навиштааст муаллиф дар сарсухани китоб.
Китоб барои оммаи васеи хонандагон тавсия дода мешавад. Тавре дар саҳифаи аввали китоб омадааст, дар шакл ва забони асл овардани ин суханҳо, то ҳадди имкон кӯшиши нигоҳ доштани моҳияти матн ва дастрасии бештари хонандаи муҳтарам ба забонҳои русӣ ва англисӣ мебошад.
Дар китоб он зарбулмасал, мақол ва суханҳои пандомезе интихоб шудаанд, ки ба назари муаллиф рӯзмарра буда, бештар ба забони асл рӯйи чоп оварда шудаанд.
АКС: АМИТ «Ховар»
Бо мақсади муаррифии васеи Тоҷикистон як зумра филмҳои мустанад ба забони англисӣ тарҷума ва дубляж гардиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
НИШАСТИ МАТБУОТӢ. Дар Тоҷикистон ду барномаи нави соҳаи фарҳанг қабул гардид
Раиси Кумитаи миллӣ оид ба ҳуқуқи инсони Давлати Қатар Қалъаи Ҳисорро тамошо намуд
