Ҷавонони ватандӯсти шаҳри Турсунзодаро ба сафи Қувваҳои Мусаллаҳ гусел намуданд
ДУШАНБЕ, 02.10.2023 /АМИТ «Ховар»/. Дар шаҳри Турсунзода чорабинии даъвати тирамоҳии ҷавонон ба хизмати ҳарбӣ таҳти унвони Рӯзи даъватшаванда баргузор гардид.
Дар чорабинӣ Раиси шаҳри Турсунзода Парвиз Акрамзода, кормандони комиссариати ҳарбӣ ва мақомоти ҳифзи ҳуқуқи шаҳр ва волидони даъватшавандагон иштирок намуданд.
Таъкид гардид, ки ҷавонони сарбаланди тоҷикро мебояд ба Ватан содиқона хизмат намуда, барои ҳимояи марзу буми сарзамини аҷдодӣ бо ҳушёрию далерӣ ва мардонагӣ омода бошанд ва онро чун гавҳараки чашм ҳифз намоянд.
Тазаккур дода шуд, ки маҳз бо тадбирҳои андешидаи Ҳукумати мамлакат ҷиҳати боз ҳам рушд додан ва фароҳам овардани шароити мусоид барои сарбозону афсарони шуҷои Ватан сол то сол сафи ихтиёриён ба хизмати ҳарбӣ меафзояд.
Ба даъватшудагоне, ки аз даврҳои кӯтоҳмуддати ронандагӣ гузаштаанд, ҳуҷҷати хатми ронандагӣ тақдим гардид. Ҳамоиш бо намоиши машқҳои варзишӣ аз ҷониби мактаби варзишӣ ва маросими «Нонгазон» идома ёфт.
Бояд гуфт, ки ҳамасола 1 октябр бо мақсади иҷрои Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони Ҷумҳурии Тоҷикистон ба хизмати ҳарбӣ» дар саросари мамлакат маъракаи гусели наваскарон ба сафи Қувваҳои Мусаллаҳ оғоз меёбад.
АКС: Кумитаи иҷроияи Ҳизби Халқии Демократии Тоҷикистон дар шаҳри Турсунзода
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
