БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Беморхонаи марказии ноҳияи Файзобод таъмиру навсозӣ мешавад
ФАЙЗОБОД, 21.10.2023. /АМИТ «Ховар»/. Ба ифтихори ҷашни 35-солагии Истиқлолияти давлатӣ дар ноҳияи Файзобод таъмиру навсозии Беморхонаи марказии ноҳия, ки дар доираи татбиқи Лоиҳаи «Хизматрасониҳои маҷмуӣ барои модар ва кӯдак» дар назди Вазорати тандурустӣ ва ҳифзи иҷтимоии аҳолии ҷумҳурӣ таҳти сарпарастии Бонки осиёии рушд амалӣ мегардад, бо суръати баланд идома дорад. Дар ин хусус хабарнигори минтақавии АМИТ «Ховар» Субҳониддини Маҳмуд иттилоъ медиҳад.
Дар беморхона бинои маркази ташхису табобат сохта шуда, бинои беморхонаи марказӣ, бинои шуъбаи таваллуд пурра навсозӣ ва бо таъмири куллӣ фаро гирифта шудааст.
Сардори қитъаи сохтмонии ҶДММ «Строй-Центр» Ғуломалӣ Боев иброз намуд, ки «корҳои таъмиру навсозӣ дар Беморхонаи марказии ноҳияи Файзобод, иборат аз 10 шуъба бо ғунҷоиши 216 кат ва сохтмони бинои Маркази ташхису табобатӣ, иборат аз 6 шуъба бо ғунҷоиши 28 кат ва бо масоҳати 9609 м2 амалӣ мегарданд. Хушбахтона, бинои Маркази ташхису табобатӣ, иборат аз се ошёна сохта шуд. Дар айни замон мутахассисон бомпӯши онро сохта истодаанд. Ҳамаи корҳои сохтмонӣ, навсозию таъмири пурраи беморхона бо ҷалби мутахассисони арзанда ва мутобиқ ба қоидаҳои меъморӣ амалӣ гардонида мешавад».
Сардухтури ноҳияи Файзобод Суҳроб Ҷобиров гуфт, ки беморхонаи марказии ноҳияи Файзобод соли 1975 барои 175 кат сохта шудааст. Бинобар кӯҳнаю фарсуда ва таъмирталаб будани биноҳои табобатӣ беморхона ба таъмири асосӣ ниёз дошт. Хушбахтона, бо дастгириҳои Пешвои миллат муҳтарам Эмомалӣ Раҳмон ва Вазорати тандурустӣ ва ҳифзи иҷтимоии аҳолии ҷумҳурӣ таҳти сарпарастии Бонки осиёии рушд Беморхонаи марказии ноҳия пурра навсозию таъмир гардида, ояндаи наздик табибон дар беҳтарин шароит ва бо беҳтарин таҷҳизоти тиббии замонавӣ ба сокинони ноҳия хизмати тиббӣ мерасонанд.
Бояд гуфт, ки дар доираи ин лоиҳа навсозии инфрасохтор, аз қабили шабакаҳои оби нӯшокӣ, корезӣ, гармитаъминкунӣ, ҳавотозакунӣ, барқ ва сохтмони иншоот барои истеҳсоли гази табобатӣ ба нақша гирифта шудааст. Ҳамчунин таҷҳизонидани Беморхонаи марказӣ бо мебел ва асбобу таҷҳизоти нави лабораторӣ дар назар аст.
Ёдовар мешавем, ки Лоиҳаи «Хизматрасониҳои маҷмуӣ барои модар ва кӯдак» дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ки таҳти сарпарастии Бонки осиёии рушд аз соли 2019 инҷониб дар Ҷумҳурии Тоҷикистон фаъолият мебарад, ба боло бурдани вазъи хизматрасонӣ дар самти модару кӯдак нигаронида шудааст.
Ҳадафи аслии фаъолияти ин лоиҳа- беҳтар намудани фарогирии модарон ва кӯдакон ба хизматрасонии маҷмуии сифатнок оид ба ҳифзи саломатии модару кӯдак дар ноҳияҳои таҷрибавии Рашт ва Файзободи тобеи ҷумҳурӣ ва Шамсиддини Шоҳини вилояти Хатлон мебошад.
АКС: АМИТ «Ховар»
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
Агентии обуҳавошиносӣ бо таҷҳизоти зарурии техникӣ таъмин мегардад
