Байни КВД «Тоҷагропромэкспорт» ва КВҶ «Белтаможсервис» шартномаи ҳамкорӣ ба имзо расонида шуд

ДУШАНБЕ, 02.10.2023 /АМИТ «Ховар»/. 29 сентябр дар доираи Форуми байналмилалии сармоягузории «Душанбе-инвест 2023» байни Корхонаи воҳиди давлатии «Тоҷагропромэкспорт»-и назди Агентии содироти назди Ҳукумати Ҷумҳурии Тоҷикистон ва Корхонаи воҳиди ҷумҳуриявии «Белтаможсервис» – и Беларус шартномаи ҳамкорӣ ба имзо расид, хабар доданд ба АМИТ «Ховар» дар Агентии содироти ҷумҳурӣ.

Дар ҳамоиш Директори Агентии содирот Баҳриддин Сироҷиддинзода дар мавзуи «Имконияти сармоягузорӣ дар соҳаи кишоварзӣ, истеҳсол ва содироти маҳсулоти кишоварзии аз лиҳози экологӣ тоза ба бозорҳои байналмилалӣ» суханронӣ карда, ҷиҳати афзун намудани маҳсулоти кишоварзӣ, инчунин ташкил намудани корхонаи муштарак оид ба истеҳсоли сабзавоту меваи барвақтӣ, бунёди инфрасохтори нигоҳдории маҳсулот ва бастубанди он барои содироти кафолатноки минбаъда ба хориҷи ҷумҳурӣ маълумот пешниҳод намуд.

Инчунин дар ҳамоиш барои меҳмонон ва иштирокчиён имконоти содиротии Тоҷикистон муаррифӣ гардид.

АКС: Агентии содироти назди Ҳукумати Ҷумҳурии Тоҷикистон