Дар ноҳияи Балҷувон аввалин бинои панҷошёнаи истиқоматӣ сохта шуд
ДУШАНБЕ, 01.10.2023. /АМИТ «Ховар»/. Дар ноҳияи Балҷувони вилояти Хатлон бо мақсади дар сатҳи баланд пешвоз гирифтани Ҷашни 35-умин солгарди Истиқлолияти давлатӣ сохтмони 257 иншоот ба нақша гирифта шудааст. Аз ҷумла, сохтмони 20 муассисаи таълимӣ, 15 муассисаи тиббӣ, 5 муассисаи фарҳангӣ, 12 корхонаи саноатӣ ва 205 иншооти дигар пешбинӣ гардидааст. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Балҷувон иттилоъ медиҳад.
Аз 257 иншооти ба нақша гирифташуда, 51 иншоот ба истифода дода шуда, дар 53-тои дигар корҳои сохтмонӣ идома доранд. Корҳои лоиҳакашии иншооти боқимонда низ дар ҳолати коркард қарор доранд.
Ёдовар мешавем, ки бахшида ба ҷашни 32-солагии Истиқлоли давлатӣ дар ноҳияи Балҷувон аввалин бор бинои истиқоматии панҷошёна барои сокинон сохта шуд, ки мавриди баҳрабардорӣ қарор мегирад. Пудратчии сохтмон ҶДММ «Ганҷи дарё» буда, бино аз 5 ошёна, 42 ҳуҷра, 2 даромадгоҳ иборат буда, хати обу корез мувофиқи қоида насб гардидаанд. Хонаҳои истиқоматӣ аз 1, 2 ва 3 ҳуҷра иборат мебошанд.
Бояд гуфт, ки дар доираи таҷлили Ҷашни 30-солагии Истиқлолияти давлатӣ дар ноҳияи Балҷувон 386 иншоот ба истифода дода шуд. Бо мавриди истифода қарор гирифтани биноҳои хуштарҳи замонавӣ дар соҳаҳои иҷтимоию иқтисодӣ ва маишию хизматрасонӣ сатҳи рӯзгори сокинони ноҳия беҳтар гардида, ба таъсиси ҷойҳои нави корӣ заминаи устувор гузошт.
Хотиррасон менамоем, ки яке аз дастовардҳои беназири сокинони ноҳияи Балҷувон дар солҳои соҳибистиқлолӣ — ин таъсисёбии ноҳия мебошад, ки бо дастгирии Пешвои миллат муҳтарам Эмомалӣ Раҳмон ба вуқӯъ пайваст.
Дар ин давра дар ноҳия соҳаи маориф ба марҳилаи сифатан нав ворид гардида, бо истифода аз ҳамаи имконият 37 муассисаи таълимӣ, аз ҷумла 16 муассисаи таҳсилоти миёнаи умумӣ, 10 асосӣ ва 11 ибтидоӣ, бо 2574 ҷои нишаст ва дар соҳаи тандурустӣ 26 иншоот, аз ҷумла беморхонаи марказӣ, 2 беморхонаи қитъавӣ, 15 бунгоҳи тиббӣ, 7 маркази саломатӣ ва Маркази байналмилалии «Тавонбахшӣ» сохта, мавриди истифода қарор дода шудаанд.
Ҳамчунин дар соҳаи фарҳанг 12 иншоот, аз ҷумла Қасри фарҳанг бо 360 ҷои нишаст, гулгашти «Балҷувон» ва Осорхонаи таърихию кишваршиносии ноҳия бунёд гардиданд, ки имрўз дар хизмати мардум қарор доранд.
АКС: АМИТ «Ховар»
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
