Дар ҷаласаи Шурои сарони ҳукуматҳои Иттиҳоди Давлатҳои Мустақил дар Бишкек 20 санад қабул гардид
ДУШАНБЕ, 26.10.2023 /АМИТ «Ховар»/. Иштирокдорони ҷаласаи Шурои сарони ҳукуматҳои Иттиҳоди Давлатҳои Мустақил, ки дар он Сарвазири Ҷумҳурии Тоҷикистон Қоҳир Расулзода иштирок намуд, 26 октябр дар Бишкек 20 санад қабул намуданд, иттилоъ медиҳад хабарнигори АМИТ «Ховар».
Дар ҷаласа табодули афкор доир шуда, масъалаҳои ба рӯзнома дохилшуда баррасӣ гардиданд. Аз ҷумла, Барномаи байнидавлатии ҳамкории давлатҳои ИДМ дар соҳаи геодезия, харитасозӣ, маълумоти фазоӣ, технологияҳои геоиттилоотӣ, санҷиши фосилавии Замин, баҳисобгирии кадастрӣ ва бақайдгирии ҳуқуқ ба амволи ғайриманқул барои давраи то соли 2026 тасдиқ гардид.
Консепсияи табдили рақамии соҳаҳои гуногуни сӯзишворӣ ва энергетикии давлатҳои иштирокчии ИДМ ва Нақшаи дахлдори чорабиниҳо оид ба татбиқи он, Барномаи мақсадноки байнидавлатии «Барқарорсозии қаламравҳои давлатҳое, ки ба истеҳсолоти истихроҷи уран дучор шудаанд», Маҷмуи чорабиниҳо оид ба татбиқи Созишномаи ҳамкорӣ дар соҳаи кӯҳӣ-металлургӣ, Низомнома дар бораи платформаҳои технологӣ дар доираи Барномаи байнидавлатии ҳамкории инноватсионӣ барои давраи то соли 2030 тасдиқ гардид.
Инчунин Нақшаи чорабиниҳо оид ба омодагӣ ва таҷлили 80-солагии Ғалаба дар Ҷанги дуюми ҷаҳон соли 2025 дар Иттиҳоди Давлатҳои Мустақил ба имзо расид.
Нақшаи гузаронидани ҳаракати ихтиёриён дар Иттиҳоди Давлатҳои Мустақил дар соли 2024 тасдиқ гардид. Ҳуҷҷат аз нуҳ бахш иборат мебошад, ки зиёда аз сад чорабинии байналмилалиро дар бар мегирад.
Дар ҷаласа Низомнома дар бораи Чемпионати (Аввалин, Ҷом)-и ИДМ қабул гардид. Гузаронидани чунин мусобиқаҳо имконияти давлатҳо — иштирокдорони Иттиҳодро оид ба тайёр намудани захираи варзишӣ ва варзишгарони дараҷаи олӣ васеъ менамояд.
Илова бар ин, Шурои сарони ҳукуматҳои ИДМ блоки калони масъалаҳои молиявиро баррасӣ менамояд, ки ба маблағгузории рушди минбаъдаи низоми муттаҳидаи мудофиаи зиддиҳавоии давлатҳои Иттиҳод, иҷрои буҷети ягонаи мақомоти ИДМ, маблағгузории чорабиниҳои соли оянда оид ба татбиқи Барномаи байнидавлатии баланд бардоштани сифати зиндагии собиқадорони ҷанг- иштирокчиёни низоъҳои маҳаллӣ ва аъзои онҳо рабт доранд.
Ҷаласаи навбатии Шурои сарони ҳукуматҳои Иттиҳоди Давлатҳои Мустақил моҳи майи соли 2024 дар шаҳри Ашқобод баргузор мешавад.
Елена БАТЕНКОВА,
Азиза ИКРОМ,
АМТ «Ховар»
АКС аз манбаъҳои боз
Ҳамкории Тоҷикистон бо Созмони ҳамкории исломӣ баррасӣ гардид
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
Сафири Тоҷикистон бо Вазири давлатӣ дар умури шаҳрдорӣ ва вазири давлатӣ дар умури маскани Кувайт мулоқот намуд
Дурнамои рушди ҳамкории Тоҷикистону Амрико баррасӣ шуд
Ҳамкории Тоҷикистон ва Кувайт оид ба бахши сармоягузорӣ ва сайёҳӣ баррасӣ гардид
Сафири Тоҷикистон дар Австрия дар Симпозиуми байналмилалии об иштирок намуд
Дар Туркманистон нишасти вазирони корҳои хориҷии кишварҳои Осиёи Марказӣ ва Озарбойҷон баргузор гардид
Ашрафҷон Гулов бо Сафири навтаъйини Амороти Муттаҳидаи Араб дар Ҷумҳурии Тоҷикистон Носир Ҳувайдин Зайбон Алӣ Ал-Катбӣ мулоқот намуд
Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд
Сафири Тоҷикистон бо фаъолияти рӯзномаи «The Times Kuwait» шинос шуд
Дар Женева тақвияти ҳамкории Тоҷикистон дар доираи Барномаи АСИКУДА мавриди баррасӣ қарор дода шуд
Ҳамкории мутақобили судманди Тоҷикистон ва Кувайт дар арсаҳои гуногун баррасӣ гардид
