ДАЪВАТИ ТИРАМОҲӢ. Сарбозони навдаъват Савганди садоқат ба Ватан ёд намуданд
ДУШАНБЕ, 12.10.2023 /АМИТ «Ховар»/. Дирӯз дар қисми ҳарбии Раёсати қӯшунҳои дохилӣ бо иштироки роҳбарияти Раёсати қӯшунҳои дохилии Вазорати корҳои дохилии Тоҷикистон, афсарону сарбозон, падарону модарон ва наздикони аскарон маросими савгандёдкунии сарбозони нав ба хизмати ҳарбӣ даъватшуда баргузор гардид. Дар ин хусус ба АМИТ «Ховар» дар маркази матбуоти Вазорати корҳои дохилӣ иттилоъ доданд.
Пас аз садо додани Суруди миллӣ наваскарон дар саҳни ороста, дар сафи ҳамхизматон қомат рост намуда, дар вазъияти тантанавӣ бо оҳанги мутантан савганди садоқат ба Ватан ёд намуданд.
Дар ҳамоиш таъкид гардид, ки ҳайати шахсии Қӯшунҳои дохилӣ дар тамоми амалиёти муштараки сохторҳои қудратии мамлакат оид ба безараргардонии гурӯҳҳои ҷиноятпеша дар минтақаҳои гуногуни ҷумҳурӣ фаъолона иштирок намуда, аз худ намунаи баланди мардонагӣ, матонат ва чолокии касбӣ нишон дод.
Маҳз бо дастгирӣ ва ғамхории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ниҳоди мазкур имрӯз ба сохтори тавоно ва замонавӣ мубаддал гашта, соҳиби техникаи ҳарбии пурқувват, биноҳои маъмурии замонавӣ, таълимгоҳҳо, таҷҳизоти муосир, машқгоҳҳо ва мутахассисони баландпояи ҳарбӣ мебошад. Афсарон, сержантон ва сарбозон бояд доимо дар ёд дошта бошанд, ки оромию осоиштагии диёри азизамон бар ивази ҷони садҳо нафар сарсупурдагони роҳи озодию истиқлолият ба даст омада, таъмини амнияти мамлакат ва ҳаёти осудаи сокинони он маҳз аз ҳисси баланди масъулияти шахсӣ ва қобилияту маҳорати касбии ҳар аскар ва афсари Қувваҳои мусаллаҳи Тоҷикистон вобастагӣ дорад.
Зимни суханронии табрикӣ иброз гардид, ки ба замми омӯзиши маҳорати ҷангӣ ба сарбозоне, ки хоҳиши дар оянда ҳамчун афсар хизмат намудан доранд, Ҳукумати Ҷумҳурии Тоҷикистон барои таҳсил дар донишкадаҳои ҳарбӣ имтиёз муқаррар намудааст.
Бояд гуфт, ки шуруъ аз соли 2020 дар ҳамаи қисмҳои ҳарбии Қӯшунҳои дохилӣ илова ба омӯзиши илми ҳарбӣ, сарбозон ба омӯзиши касбу ҳунарҳои гуногун фаро гирифта мешаванд ва баъд аз хатми даврҳои кӯтоҳмуддат ба онҳо сертификати тахассусӣ дода мешавад.
АКС: сомонаи Вазорати корҳои дохилии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
