Донишгоҳи давлатии ҳуқуқ, бизнес ва сиёсати Тоҷикистон ва нуҳ муассисаи касбии олии Беларус шартномаи ҳамкорӣ ба имзо расониданд
ДУШАНБЕ, 07.10.2023 /АМИТ «Ховар»/. Ректори Донишгоҳи давлатии ҳуқуқ, бизнес ва сиёсати Тоҷикистон ва ректорони нуҳ муассисаи касбии олии Ҷумҳурии Беларус шартномаҳои ҳамкорӣ ба имзо расониданд. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи ин донишгоҳ хабар медиҳад.
Дар доираи Форуми дуюми ректорони муассисаҳои таҳсилоти олии касбии Тоҷикистон ва Беларус, ки дар пойтахти Беларус доир шуд, ректори Донишгоҳи давлатии ҳуқуқ, бизнес ва сиёсати Тоҷикистон, профессор Муъмин Шарифзода ҷиҳати ҳамкории судманд бо роҳбарони нуҳ муассисаи касбии олии Ҷумҳурии Беларус шартномаи ҳамкорӣ ба имзо расониданд.
Моҳияти шартномаҳои баимзорасида масъалаҳои рушди минбаъдаи ҳамкории илмию таълимӣ, коркарди усулҳои нав барои беҳтар намудани сифати таҳсил, табодули устодони варзида барои тадриси донишҷӯён, дар робита ба тадқиқоти илмӣ анҷом додани корҳои илмию тадқиқотии муштарак, ҳимояи рисолаҳои илмӣ, иштирок дар конференсияҳои илмию амалӣ ва илмию назариявӣ, ҳамоиш ва семинарҳо, навиштани китобҳои дарсӣ, асарҳои илмию тадқиқотӣ, дастурҳои таълимӣ ва ба ин васила ба стандартҳои ҷаҳонӣ мутобиқ гардонидани сифати таҳсилро фаро мегирад.
Ёдовар мешавем, ки форуми мазкур ба рушди ҳамкории дуҷониба дар соҳаи илму маориф мусоидат менамояд.
АКС: Шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
