Лоиҳаи пешниҳоди стипендияҳо барои омодасозии кадрҳо дар Ҷопон байни хизматчиёни давлатии Тоҷикистон рӯнамоӣ гардид
ДУШАНБЕ, 28.10.2023 /АМИТ «Ховар»/. 26 октябр дар Донишгоҳи техникии Тоҷикистон ба номи Муҳаммад Осимӣ бо ташаббуси Дафтари Лоиҳаи JDS дар Ҷумҳурии Тоҷикистон дар ҳамкорӣ бо Агентии хизмати давлатии назди Президенти Ҷумҳурии Тоҷикистон барои хизматчиёни давлатии вазорату идораҳои калидӣ вобаста ба муаррифии Лоиҳаи пешниҳоди стипендияҳо барои омодасозии кадрҳо дар Ҷопон машварати омӯзишӣ баргузор гардид. Дар ин хусус ба АМИТ «Ховар» дар Агентии хизмати давлатӣ хабар доданд.
Дар машварат ҳадаф, имконияти пешниҳоди ҳуҷҷатҳо, интихоб, ҳуқуқ ва уҳдадориҳо тибқи муқаррароти Лоиҳаи пешниҳоди стипендияҳо барои омодасозии кадрҳо дар Ҷопон (Лоиҳаи JDS) муаррифӣ гардид, ки мақсади он интихоб ва ҷалби хизматчиёни давлатии Тоҷикистон ба зинаи магистратура ва докторантураи донишгоҳҳои бонуфузи Ҷопон дар соли 2024 ва муваффақона амалӣ намудани лоиҳа дар соли 2024 мебошад.
Байни иштирокчиён ва хизматчиёни давлатии мақомоти марказии ҳокимияти давлатӣ ҷиҳати ҳадафманд татбиқ ва амалӣ гардидани ин лоиҳа саволу ҷавоб доир гардид.
Ёдовар мешавем, ки ёддоштҳои табодулӣ байни Ҳукумати Ҷумҳурии Тоҷикистон ва Ҳукумати Ҷопон оид ба «Лоиҳаи пешниҳоди бурсияҳои таҳсилӣ барои рушди захираҳои инсонӣ», Созишномаи грантӣ байни Ҳукумати Ҷумҳурии Тоҷикистон ва Агентии Ҷопон оид ба ҳамкории байналмилалӣ вобаста ба «Лоиҳаи пешниҳоди бурсияҳои таҳсилӣ барои рушди захираҳои инсонӣ» ва Қарордоди байни Агентии хизмати давлатии назди Президенти Ҷумҳурии Тоҷикистон ва Маркази ҳамкории байналмилалии Ҷопон аз соли 2009 дар Ҷумҳурии Тоҷикистон амалӣ гардида, 121 нафар хизматчии давлатӣ барои таҳсил ба донишгоҳҳои Ҷопон ҷалб гардид. То имрӯз 90 нафари онҳо зинаҳои магистратура ва докторантураро дар донишгоҳҳои Ҷопон хатм намуда, 31 нафари онҳо ҳоло таҳсили худро идома медиҳанд.
Дар машварат муовини Директори Агентии хизмати давлатӣ Дилноза Аҳмадзода, Сафири Фавқулода ва Мухтори Ҷопон дар Ҷумҳурии Тоҷикистон Тошиҳиро Аики, роҳбари намояндагии Агентии ҳамкории байналмилалии Ҷопон дар Тоҷикистон Имей Сейҷу иштирок доштанд.
АКС: Агентии хизмати давлатии назди Президенти Ҷумҳурии Тоҷикистон
Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
Барои пурсамар гузаронидани давраи таътил ба хонандагон мутолиаи кадом китобҳо тавсия дода мешавад?
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
