МАН БА ХИЗМАТИ ВАТАН ОМОДААМ! Ҷавонони шаҳри Ваҳдат ба таври ихтиёрӣ ба сафи Артиши миллӣ шомил гардиданд
ВАҲДАТ, 03.10.2023./АМИТ «Ховар»/. Мавсими ҷалби ҷавонон ба сафи Қувваҳои Мусаллаҳи Ҷумҳурии Тоҷикистон идома дорад. Бо ин мақсад таҳти унвони «Рӯзи даъватшаванда» дар қисми низомии Вазорати мудофиаи Ҷумҳурии Тоҷикистон дар шаҳри Ваҳдат барномаи фарогир ва хотирмон баргузор шуда, даъватшудагони зиёде бо доир намудани маросими «Кулчагазон» аз ҷамоатҳои шаҳраку деҳот бо орзуҳои неку дуои падару модарон ба сафи Артиши миллӣ ҷалб шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Ваҳдат хабар доданд.
Раиси шаҳри Ваҳдат Мирзо Исмоилзода дар ин ҳамоиши тантанавӣ даъватшудагонро барои содиқонаю софдилона хизмат намудан ба Ватан – Модар даъват намуда, иброз дошт, ки «хизматҳои шабонарӯзии Президенти Ҷумҳурии Тоҷикистон муҳтарам Эмомалӣ Раҳмон ҷиҳати муҳайё намудани шароити хуб дар қисмҳои ҳарбии ҷумҳурӣ беназир мебошанд. Хизмат дар сафи Артиш, ҳимоя аз марзу буми Ватан- Модар ҳамеша мояи шараф ва ифтихори ҳар фарди баору номус ва ватандӯст буд, ҳаст ва ин рисолат то абад боқӣ мемонад. Аз таърих ва осори гузаштагон медонем, ки ба сафи Артиш танҳо ҷавонони ғаюру шуҷоатманд ҷалб мешуданд ва ин анъана имрӯз низ давом дорад. Мо бо боварӣ гуфта метавонем, ки шаҳри Ваҳдат бо шумо, ҷавонони далеру шуҷои худ ифтихор менамояд».
Дар навбати худ даъватшавандагон иброз доштанд, ки хизмат ба Ватан-Модарро қарзи фарзандии хеш медонанд ва баҳри иҷрои он омодаанд.
Дар рӯзи якуми даъвати ҳарбӣ масъулини ҷамоатҳои шаҳраку деҳоти Чорсу, Баҳор ва Нуъмон Розиқ маъракаи даъватро ба анҷом расониданд.
Ҳамчунин дар ҳамоиши мазкур ба наваскароне, ки даври ронандагии ТҶ «Мададгори мудофиа» – ро хатм намуда, ба сафи Артиши миллӣ ихтиёран шомил шудаанд, шаҳодатномаҳои ронандагӣ супорида шуданд.
Дар анҷоми ҷамъомади тантанавӣ дастаи ҳаваскорони бахши фарҳанги шаҳр бо барномаи ҷолиби консертӣ хотири даъватшудагону волидайни онҳоро шод гардонид.
АКС: Мақомоти иҷроияи ҳокимияти давлатии шаҳри Ваҳдат
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
Дар Тоҷикистон пешгирӣ аз истеъмоли моддаҳои психотропӣ тақвият дода мешавад
