Намояндаи Тоҷикистон узви Кумитаи доимии Созмони ҷаҳонии тандурустӣ аз минтақаҳои аврупоӣ интихоб гардид
ДУШАНБЕ, 26.10.2023. /АМИТ «Ховар»/. Дирӯз дар шаҳри Остонаи Ҷумҳурии Қазоқистон ҷаласаи 73-юми Кумитаи минтақавии аврупоии Созмони ҷаҳонии тандурустӣ оғоз гардид, ки дар он доктори илмҳои тиб, профессор, академики Академияи миллии илмҳои Тоҷикистон, сардори Раёсати таҳсилоти тиббию фарматсевтӣ, сиёсати кадрҳо ва илми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Саломуддин Юсуфӣ ба ҳайси узви Кумитаи доимии Созмони ҷаҳонии тандурустӣ аз минтақаҳои аврупоӣ интихоб шуд, хабар доданд ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии ҷумҳурӣ.
Дар ҷаласа муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, сардори Раёсати таҳсилоти тиббию фарматсевтӣ, сиёсати кадрҳо ва илми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Саломуддин Юсуфӣ, сардори шуъбаи робитаҳои байналмилалии вазорат Раъно Раҳимова иштирок намуданд.
Бояд гуфт, ки аъзои Кумитаи иҷроияи минтақаи аврупоии Созмони ҷаҳонии тандурустӣ аз 53 мамлакати аъзо буда, намояндагони 4 давлат- Исландия, Шветсия, Сербия ва Ҷумҳурии Тоҷикистон ба тариқи овоздиҳӣ ба ҳайси аъзои Кумитаи доимии Созмони ҷаҳонии тандурустӣ аз минтақаҳои аврупоӣ интихоб шуданд.
Ин бори дуюм аст, ки Саломуддин Юсуфӣ узви ин кумита интихоб мегардад. Мавсуф соли 2015 низ ба муҳлати 3 сол узви ин кумита интихоб шуда буд.
Кумита мақоми машваратии директори Бюрои Аврупоии Созмони ҷаҳонии тандурустӣ буда, рушди сиёсати минбаъда ва фаъолияти асосии Созмони ҷаҳонии тандурустиро дар минтақаи Аврупо муайян менамояд. Инчунин соли 2023 ба татбиқи миёнаи муҳлати барномаи Бюрои аврупоӣ барои солҳои 2020-2025 ва амалҳои муштарак барои беҳтар намудани саломатии сокинони Аврупо рост меояд.
Ҷаласаи 73-юм имконияти хуб барои муҳокимаи вазъи саломатӣ ва некӯаҳволии сокинони минтақаи Аврупо ва муваффақият, дастовардҳои муҳими тандурустии ҷамъиятӣ дар 75 соли охир ва муҳокимаи равишҳо барои ҳалли мушкилоти ҷорӣ ва оянда мебошад.
Ҷаласаи 73-юми Кумитаи минтақавии аврупоии Созмони ҷаҳонии тандурустӣ 24 октябр оғоз шуда, имрӯз анҷом меёбад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
