Нилуфар Азизова дар Фестивали байналмилалии хайриявии «Асои сафед» соҳиби медал шуд
ДУШАНБЕ, 11.10.2023 /АМИТ «Ховар»/. Тавре қаблан иттилоъ дода будем, дар натиҷаи баргузории марҳилаҳои интихобӣ дар Русия ва ҳашт давлати Иттиҳоди Давлатҳои Мустақил иштироккунандагони Фестивали 14-уми байналмилалии хайриявӣ муайян гардиданд, ки дар байни онҳо хонандаи синфи 10 литсейи филиали Донишгоҳи давлатии Москва ба номи М.В.Ломоносов дар шаҳри Душанбе Нилуфар Азизоваи 16-сола низ мебошад. Ӯ 10 октябр дар гала-консерти Фестивали байналмилалии хайриявии «Асои сафед» дар шаҳри Москва иштирок намуда, маҳорати худро нишон дод ва бо медали Фонди хайриявии «Бо амри дил» ва туҳфаҳои хотиравӣ сарфароз гардонида шуд. Дар ин хусус АМИТ «Ховар» хабар медиҳад.
Дар даври интихобӣ Нилуфар Азизова таронаи «Вақте ту бовар мекунӣ»-ро («When You Believe») пешниҳод намуд. Ба гуфтаи созмондиҳандагони фестивал, ҳунари ӯ аз ҷониби муассис ва татбиқкунандаи лоиҳа баҳои баланд гирифт.
10 октябр Нилуфар Азизова дар гала-консерт дар байни зиёда аз 70 сарояндаи боистеъдоди дорои нуқсони босира аз давлатҳои гуногуни олам муваффақона иштирок намуда, ғолиби ин фестивал гардид.
Нилуфар Азизоваи 16-сола дар як дуэт (суруди дукаса) бо овозхони маъруфи рус Алсу ҳунарнамоӣ намуд. Тавре устоди Нилуфар гуфт, таронаи «Хоби зимистона» («Зимний сон») дар ҷашнвора аз ҳама ҷолибтарин буд.
Ӯ дар фестивал бо Сосо Павлиашвили, Анита Тсой, Дмитрий Колдун вохӯрда, ҳатто дар паси саҳна бо Юлия Паршута суруди «Чак-чаки борони баҳор»-ро суруд.
Ёдовар мешавем, ки соли гузашта як иштироккунанда аз Тоҷикистон Алим Музофирови 9-сола бо Денис Майданов дуэт хонда буд.
АКС аз манбаъҳои боз
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар даври сеюми имтиҳонҳои марказонидаи дохилшавӣ беш аз 16 ҳазор нафар донишҷӯ шуданд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
