Обуҳавошиносони тоҷик моделҳои муосири пешгӯикунандаи обшиносиро меомӯзанд

ДУШАНБЕ, 08.10.2023. /АМИТ «Ховар»/. Аз 26 сентябр то 4 октябр дар шуъбаи пешгӯии обшиносии Маркази пешгӯии обуҳавосанҷии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон омӯзиши моделҳои «АРМГИДРО» ва «ГИС МЕТЕО СТОК» амалӣ гардид. Дар ин хусус ба АМИТ «Ховар» дар агентии обуҳавошиносӣ хабар доданд.

Тавре иттилоъ дода шуд, барои ба омӯзиш фаро гирифтани мутахассисони соҳавӣ коршиносони Ҷамъияти саҳомии шакли кушодаи Маркази илмию истеҳсолии «MAP MAKER»-и Федератсияи Русия  даъват гардиданд.

Дар ин даври омӯзишӣ мутахассисони соҳавӣ истифодаи моделҳои мазкурро омӯхта, донишҳои назариявӣ ва амалии худро сайқал доданд.

Бояд изҳор намуд, ки моделҳои  «АРМГИДРО» ва «ГИС МЕТЕО СТОК» барои коркарди маълумоти ҳаррӯзаи обшиносӣ истифода мегарданд.

АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон