ҶОМИ КФО-2023/24. Пагоҳ бозии дастаҳои «Равшан»-и Тоҷикистон ва «Алтин Асир»-и Туркманистон доир мегардад

ДУШАНБЕ, 04.10.2023 /АМИТ «Ховар»/. 5 октябр дастаи футболи «Равшан»-и шаҳри Кӯлоб дар даври дуюми марҳилаи гурӯҳии Ҷоми КФО-2023/24 дар минтақаи марказӣ бо дастаи футболи «Алтин Асир»-и Туркманистон дар сафар бозӣ менамояд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

21 сентябр дар Варзишгоҳи марказии шаҳри Ҳисор бозии даври аввали марҳилаи гурӯҳии Ҷоми КФО-2023/24 дар минтақаи марказӣ байни дастаҳои футболи «Равшан»-и Тоҷикистон ва «Марв»-и Туркманистон баргузор шуда, бо ҳисоби мусовии 0:0 анҷом ёфт.

Ёдовар мешавем, ки дастаи футболи «Марв»-и Туркманистон дар бозии даври муқаддамотии Ҷоми КФО 2023/24 бар дастаи футболи «Хуҷанд»-и шаҳри Хуҷанд дар варзишгоҳи «20-солагии Истиқлолияти Тоҷикистон» бо ҳисоби 2 бар 1 пирӯз шуда, ба даври гурӯҳӣ роҳ ёфт.

АКС: Федератсияи футболи Тоҷикистон