«ШОҲҶОИЗА» БА «РОҲ»! Филми Носир Саидов сазовори баландтарин мукофоти Синамоҷашнвораи байналмилалии Душанбе «Тоҷи Сомон» гардид
ДУШАНБЕ, 20.10.2023. /АМИТ «Ховар»/. Тавре қаблан иттилоъ додем, шоми дирӯз маросими пӯшидашавии аввалин Синамоҷашнвораи байналмилалии Душанбе «Тоҷи Сомон» баргузор гардид. Шоҳҷоизаи ин синамоҷашнвора ба коргардони тоҷик Носир Саидов барои таҳияи филми «Роҳ» тақдим шуд.
«Роҳ» чӣ гуна филм аст ва дар бораи чӣ қисса менамояд? АМИТ «Ховар» шарҳ медиҳад.
Муаллифи филмнома Сафар Ҳақдодов буда, муҳтавои он дар бораи рӯзгори заноне қисса менамояд, ки баъди адои ҷазои тӯлонӣ аз маҳбас баромадаанд.
Қаҳрамонҳои асосии филми «Роҳ» заноне ҳастанд, ки бо ҷурмҳои мухталиф паси панҷара нишастаанд ва ҷомеа нисбат ба занони маҳбус бархурди дигар дорад. Зеро дар ҷомеаи мо барои мардум маҳбусӣ шудани зан даҳшат ҳисобида мешавад. Барои бинанда зиндагии минбаъдаи ин гуна занон мисли муаммо аст.
Дар филм нақшҳои асосиро ҳунармандони шинохтаи ҷумҳурӣ Зулфия Содиқова, Мавлона Наҷмиддинова, Ниссо Муҳаммадҷонова, Аловуддин Абдуллоев ва Абдукарим Машрабов бозидаанд.
Алексей Мячиков чанд сол мешавад, ки бо коргардон Носир Саидов ҳамкорӣ дорад. Ӯ дар филмҳои «Муаллим» ва «Оинаи беҷило» чун коргардони дуюм ифои вазифа намудааст. Мавсуф мегӯяд, ки «мушкили рақами як барои филмофарон- ин пайдо намудани ҳунармандони нав дар мамлакат аст. Зеро яке аз меъёрҳои мавҷуда дар филм пайдо намудани чеҳраи нав мебошад. Хушбахтона, мо кӯшиш намудем, ки дар филми «Роҳ» бо назардошти омилҳои мавҷуда чеҳраҳои нав интихоб намоем. Ба монанди ҳунармандони ҷавон Мунира Зоирова ва Ҷовидон Маҳмадов, ки дар Русия мактаби ҳунарпешагиро хонда, имрӯз барои нақш офаридан ба кино ҷалб шудаанд».
Дар баробари Алексей Мячиков барои офаридани филми «Роҳ» Александр Голупсов ва Татяна Помисова низ барои сабти овоз ва пардозгарӣ аз шаҳри Москва даъват шуданд. Онҳо тавассути ин филм бори аввал бо филмофарони тоҷик ҳамкорӣ намуданд.
Бояд гуфт, ки муаллифи филмномаи «Роҳ» Сафар Ҳақдодов, коргардон Носир Саидов, наворбардор Георгий Дзалаев буда, филм дар вилояти Суғд ва шаҳри Душанбе наворбардорӣ шудааст. Оҳангсози филм Далер Назаров буда, тадвингари он Диловар Султонӣ мебошад.
Ёдовар мешавем, ки аз 16 то 19 октябр дар пойтахт Синамоҷашнвораи якуми байналмилалии Душанбе «Тоҷи Сомон» таҳти шиори «Таърихи рушди тоҷикон» баргузор гардид.
Дар он меҳмонони зиёде аз давлатҳои Русия, Узбекистон, Молдова, Озарбойҷон, Чин, Фаронса, Ҳиндустон, Покистон, Қазоқистон ва ғайра иштирок намуданд.
АКС: Муассисаи давлатии «Тоҷикфилм»
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
