Сироҷиддин Муҳриддин дар ҷаласаи навбатии Шурои вазирони корҳои хориҷии ИДМ иштирок намуд
ДУШАНБЕ, 12.10.2023 /АМИТ «Ховар»/. 11-12 октябр дар Бишкек Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Тибқи рӯзномаи ҷаласа, вазирон зиёда аз 20 масъаларо баррасӣ намуда, оид ба масоили мубрами байналмилалӣ ва ҳамкорӣ дар доираи Иттиҳод мубодилаи афкор намуданд.
Сироҷиддин Муҳриддин таъкид намуд, ки Иттиҳоди Давлатҳои Мустақил барои Тоҷикистон яке аз саҳнаҳои калидии ҳамкории бисёрҷониба боқӣ мемонад. Ӯ иброз дошт, ки Тоҷикистон низ дар татбиқи консепсияи раёсати кунунӣ дар Созмон ҳиссаи худро гузошта, дар ин росто соли 2023 дар Душанбе ҷаласаҳои Шурои байнидавлатӣ оид меъёрикунонӣ, метрология ва иҷозатномадиҳӣ, Шурои байнидавлатӣ оид ба кайҳон, инчунин Шурои вазирони адлияи давлатҳои иштирокдори Иттиҳоди Давлатҳои Мустақилро муваффақона доир намуд.
Вазири корҳои хориҷӣ тазаккур дод, ки дар ҷаҳони бовусъат тағйирёбанда дар назди Иттиҳод дар муқоиса ба 30 соли гузашта вазифаҳои боз ҳам мураккаб истодаанд. Дар ин қарина ӯ аз идомаи ҳамкории пайгиронаи муштарак ҷиҳати мукаммалсозии абзори ҳамкорӣ бо такя ба қарор оид ба мутобиқнамоии Иттиҳоди Давлатҳои Мустақил ба воқеияти ҷаҳони муосир, ки соли 2016 қабул гардидааст, ҷонибдорӣ намуд.
Аз натиҷаҳои ҷаласа вазирон масъалаҳои баимзорасонии Аҳднома дар бораи таъсиси Созмони байналмилалӣ оид ба забони русӣ, Нақшаи чорабиниҳои роҷеъ ба омодагӣ ва дар соли 2025 таҷлил намудани 80-солагии Рӯзи Ғалаба, Барномаи байнидавлатии тадбирҳои муштараки мубориза бо ҷинояткорӣ барои солҳои 2024-2028, инчунин якчанд созишнома ва изҳоротро мувофиқа намуда, ба баррасии сарони давлатҳо манзур намуданд.
АКС: Вазорати корҳои хориҷии Ҷумҳурии Тоҷикистон
Томас Мануэл: «Тоҷикистон дар самти мушкилиҳои марбут ба обу иқлим давлати пешсаф муаррифӣ гардидааст»
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Мартин Чунгонг: «Ташаббуси Президенти Тоҷикистон оид ба дипломатияи об сазовори дастгирӣ дар ҳама сатҳҳо мебошад»
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
