Ҷаласаи Комиссияи байниидоравӣ оид ба масъалаҳои ҳифзи сирри давлатӣ ва ҳифзи техникии иттилоот дар Тоҷикистон доир шуд
ДУШАНБЕ, 18.11.2023 /АМИТ «Ховар»/. Дар шаҳри Душанбе ҷаласаи дуюми Комиссияи байниидоравӣ оид ба масъалаҳои ҳифзи сирри давлатӣ дар Ҷумҳурии Тоҷикистон баргузор гардид.
Тавре аз Саридораи ҳифзи сирри давлатии назди Ҳукумати Ҷумҳурии Тоҷикистон ба АМИТ «Ховар» иттилоъ доданд, комиссия бо мақсади амалӣ намудани иқдоми якҷоя ва ташкили фаъолияти ҳамоҳанги вазорату идораҳо дар самти ҳифзи сирри давлатӣ ва ҳифзи техникии иттилоот таъсис дода шудааст.
Дар ҷаласаи комиссия муовинони якум ва муовинони роҳбарони вазорату идораҳо, ки ба ҳайати Комиссияи байниидоравӣ оид ба масъалаҳои ҳифзи сирри давлатӣ шомил мебошанд, иштирок намуда, паҳлуҳои гуногуни назариявӣ ва илмию амалии таъмини ҳифзи сирри давлатӣ ва ҳифзи техникии иттилоотро дар замони муосир мавриди таҳлилу баррасӣ қарор доданд.
Дар ҷараёни баргузории ҷаласаи комиссия якчанд лоиҳаи санадҳои меъёрии ҳуқуқӣ, ки ҷиҳати танзими ҳуқуқии масъалаҳои мухталифи соҳаи сирри давлатӣ ва ҳифзи техникии иттилоот равона гардидаанд, мавриди муҳокима қарор дода шуданд.
Ҳамзамон маҷмуи санадҳои намунавӣ ва дастурҳои методии аз ҷониби Саридора омодагардида ба аъзои Комиссия пешниҳод шуд. Дар масъалаҳои омода намудани кадрҳои соҳа, такмили савияи касбии кормандон, таъминоти моддию техникӣ ва методии соҳа бо назардошти таҷрибаи байналмилалӣ табодули афкор доир шуд.
Зимни ҷаласаи навбатии комиссия дар самтҳои сирри давлатӣ ва ҳифзи техникии иттилоот таклифу пешниҳодҳои мушаххас ва қарорҳои дахлдор қабул гардиданд, ки дар фаъолияти амалии мақомоти давлатӣ ва ташкилот мавриди истифода қарор мегиранд.
Дар идомаи ҷаласа Озмуни ҷумҳуриявии «Беҳтарин мақоми низоми махфият», ки дар доираи Барномаи давлатии таҳкими ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон баргузор гардида буд, натиҷагирӣ шуда, аз байни 400 мақомоти давлатӣ ва ташкилот 18 нафар масъулони мақоми низоми махфият соҳиби ҷойҳои намоён гардиданд.
АКС: АМИТ «Ховар»
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
