Дар Донишгоҳи давлатии Хуҷанд бахшида ба Соли забони русӣ конференсияи ҷумҳуриявӣ баргузор шуд

Ноябрь 1, 2023 15:12

ДУШАНБЕ, 01.11.2023 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров бахшида ба Соли забони русӣ эълон гардидани соли 2023 таҳти унвони «Масъалаҳои мубрами забоншиносӣ ва адабиётшиносӣ, робитаи байнифарҳангӣ, методикаи таълими забон ва адабиёти рус» бо иштироки олимону муҳаққиқони соҳа конференсияи ҷумҳуриявии илмӣ-амалӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.

Таъкид гардид, ки сиёсати маорифпарварона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои таълим ва омӯзиши забонҳои хориҷӣ, аз ҷумла забони русӣ шароити муосид фароҳам оварда, дар сатҳи баланди давлатӣ барои ба ҳадафҳои ососӣ ноил гардидан тадбирҳои амалӣ андешида мешаванд.

Сарвари давлат дар яке аз суханрониҳояшон таъкид  доштанд, ки «дар тамоми зинаҳои таҳсилот – шуруъ аз муассисаҳои томактабӣ то гимназияву литсейҳо ва зинаҳои дигари таҳсил ба таври ҳатмӣ омӯхтани забонҳои хориҷӣ, махсусан, забонҳои русиву англисӣ ва технологияҳои иттилоотӣ зарурати бештар дорад».

Дар конференсия дар мавзуъҳои «Мушкилот ва муаммоҳои тарҷумаи осори адабӣ дар замони муосир», «Масъалаҳои мубрами методикаи таълими адабиёти рус», «Аз таърихи тарҷумаҳои русии «Шоҳнома»-и Фирдавсӣ» маърузаҳои пурмуҳтавои илмӣ ироа гардиданд.

Конференсия кори худро дар панҷ бахш идома дода, зиёда аз 100 маърузаи илмии олимону мутахассисони соҳа роҷеъ ба мавзуи мавриди назар мавриди таҳлилу баррасии густурда қарор гирифт.

АКС: Донишгоҳи давлатии Хуҷанд ба номи академик Бобоҷон Ғафуров

Ноябрь 1, 2023 15:12

Хабарҳои дигари ин бахш

Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд
Дар назди муассисаҳои таълимии ноҳияи Рашт синфхонаҳои иловагӣ ба истифода дода шуданд
Дар Душанбе даври сеюми Озмуни ҷумҳуриявии «Фурӯғи субҳи доноӣ китоб аст» ҷамъбаст гардид
Аз аввали соли таҳсил маоши вазифавии кормандони соҳаи маориф 30 фоиз зиёд карда мешавад
Ба соҳаи маорифи вилояти Суғд Сертификат дар ҳаҷми 3,3 миллион сомонӣ тақдим карда шуд
Дар Сингапур ҳамоиши байналмилалӣ оид ба соҳаи маориф баргузор шуд
Ба тамоми шуъбаҳои маорифи Тоҷикистон беш аз 9 миллион китоби дарсӣ ва маводи таълимӣ дастрас карда мешавад
НАВГОНӢ ДАР СОЛИ НАВИ ТАҲСИЛ. Дар Тоҷикистон ба дониш ва малакаи хонандагон дар сатҳи 10 хол баҳо гузошта мешавад
Форуми дуюми Донишкадаи ҷумҳуриявии такмили ихтисос баргузор шуд