Дар Донишгоҳи давлатии молия ва иқтисоди Тоҷикистон бахшида ба Рўзи Парчам барномаи сиёсию фарҳангӣ доир гардид
ДУШАНБЕ, 24.11.2023 /АМИТ «Ховар»/. Ба ифтихори Рӯзи Парчами давлатии Ҷумҳурии Тоҷикистон дар Донишгоҳи давлатии молия ва иқтисоди Тоҷикистон таҳти унвони «Қудрати озодагонро авҷи ҳикмат аст, Парчам!» барномаи сиёсию фарҳангӣ доир гардид. Дар ин хусус ба АМИТ «Ховар» дар ин донишгоҳ хабар додад.
Дар ҳамоиш изҳор шуд, ки Парчами давлатӣ барои ҳар сокини мамлакат нишонаи бақои миллат, давлату Ватан, ваҳдати миллӣ ва беҳтарин василаи тарбияи насли наврасу ҷавон дар руҳияи ифтихори миллӣ ва ҳифзи арзишҳои волои таърихиву фарҳангӣ мебошад. Он сокинони мамлакатро ба иттиҳоду сарҷамъӣ, нангу номус, ватандӯстиву ватанпарастӣ, ҳимояи марзу бум, саъю талош барои эъмори ҷомеаи адолатпарвар даъват менамояд. Имрӯз мо бояд аз Парчами давлатии худ ифтихор дошта бошем, эҳтироми онро ҳамчун нишонаи давлатдории миллӣ, чун сарвати гаронбаҳои умумимиллӣ ба ҷо орем, қадру манзалат ва нақшу эътибори онро ба фарзандон ва ҷавонону наврасон талқин созем.
Миллати фарҳангсолори тоҷик аз азал соҳибпарчам буда‚ орзую омол ва эҳсоси хештаншиносии худро бо он ифода менамуд. Эҳтироми парчам арҷгузорӣ ба фарҳанги миллӣ, ниёгони тамаддунсоз, эҳтиром ба миллат ва давлату давлатдорӣ аст.
Дар охир чанд нафар донишҷӯёни фаъол – иштирокчиёни озмуни байналмилалӣ бо нишони сарисинагии Ассотсиатсияи донишҷӯёни Иттиҳоди Давлатҳои Мустақил мукофотонида шуданд.
Ҳамоишро барномаи ҷолиби консертии шуъбаи фарҳанги донишгоҳ, иборат аз рақсу суруд ва шеърхонӣ дар васфи Парчами давлатӣ ҷолиб намуд.
АКС: Донишгоҳи давлатии молия ва иқтисоди Тоҷикистон
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
