Дар Душанбе ҷаласаи ҷамъбасти лоиҳаи Осиёи Марказӣ вобаста ба фарогирии молиявӣ доир шуд

Ноябрь 23, 2023 11:14

ДУШАНБЕ, 23.11.2023 /АМИТ «Ховар»/. Дар шаҳри Душанбе ҷаласаи ҷамъбасти лоиҳаи Осиёи Марказӣ вобаста ба фарогирии молиявӣ баргузор гардид, ки дар ҷараёни он баромадкунандагон бо истифода аз рӯнамоҳои муфассал андешаҳои худро дар бораи аҳамият, саҳм ва татбиқи лоиҳаи Осиёи Марказӣ вобаста ба фарогирии молиявӣ дар рушди иқтисодиёти мамлакат, ки чор сол идома ёфт, баён намуданд. Дар ин хусус ба АМИТ «Ховар» дар Бонки миллии Тоҷикистон хабар доданд.

Муовини Раиси Бонки миллии Тоҷикистон Гулбаҳор Назирӣ ба Корпоратсияи байналмилалии молиявӣ барои ҳамкории пурмаҳсул, дастгирии пайвастаи лоиҳаҳои ба рушди иқтисоди Ҷумҳурии Тоҷикистон нигаронида ва саҳми он дар солимгардонии бахши бонкӣ тавассути расонидани кумакҳои техникӣ ва машваратӣ, аз ҷумла ҷиҳати таҳияи Стратегияи миллии фарогирии молиявӣ дар Ҷумҳурии Тоҷикистон изҳори сипос намуд.

Таъкид шуд, ки зери роҳбарии хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони соҳибистиқлолии ҷумҳурӣ ба масъалаҳои таъмини рушди устувори низоми молиявӣ, таҳкими бахши хусусӣ, беҳтар намудани фазои соҳибкорӣ, ҳифзи иҷтимоии аҳолӣ, рушди сармояи инсонӣ ва дар ин замина паст намудани сатҳи камбизоатӣ дар мамлакат таваҷҷуҳи махсус зоҳир мешавад.

Изҳор гардид, ки дар шароити имрӯзаи рушди босуръати технологияҳои инноватсионӣ фарогирии молиявӣ воситаи самараноки беҳтар намудани дастрасӣ ва истифодаи хизматрасонии босифати молиявӣ ба ҳисоб рафта, дар таъмини рушди устувори низоми молиявӣ, таҳкими бахши хусусӣ, беҳтар намудани фазои соҳибкорӣ, ҳифзи иҷтимоии аҳолӣ, рушди сармояи инсонӣ ва дар ин замина паст намудани сатҳи камбизоатӣ дар мамлакат нақши муҳим мебозад.

Бинобар ин, ҷиҳати таҳия ва амалӣ намудани «Стратегияи миллии фарогирии молиявӣ» байни Бонки миллии Тоҷикистон ва Корпоратсияи байналмилалии молиявӣ Созишномаи ҳамкорӣ дар хусуси ҷалби кумаки техникӣ ҷиҳати таҳияи Стратегияи миллии фарогирии молиявӣ дар Ҷумҳурии Тоҷикистон ба имзо расонида шуд.

Гулбаҳор Назирӣ таъкид дошт, ки дар ин стратегия бахши махсуси маҷмуӣ оид ба васеъ намудани ҳуқуқ ва имконияти иқтисодии занон ва ҷавонон муайян шудааст, ки ин ба татбиқи сиёсати давлатӣ дар самти таъмини баробарии гендерӣ ва рушди иҷтимоии ҷавонон таъсири мусбат мерасонад.

АКС: Шуъбаи матбуоти Бонки миллии Тоҷикистон

Ноябрь 23, 2023 11:14

Хабарҳои дигари ин бахш

Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд
Дар Минск вохӯрии раисони комиссияҳои марказии интихоботи Тоҷикистон ва Беларус доир шуд
Маҳмадтоир Зокирзода бо муовини Раиси Маҷлиси Шурои Давлати Қатар Ҳамда бинт Ҳассан Ал-Сулайти мулоқот намуд
Ҳамкории Кумитаи таҳсилоти ибтидоӣ ва миёнаи касбии Тоҷикистон ва Донишгоҳи давлатии Пензаи Русия густариш меёбад
Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
ҶОМИ ҶАҲОН-2026. Дастаи мунтахаби Тоҷикистон оид ба футбол дар Қатар бозиҳои тамринӣ мегузаронад
Ҳангоми истифодаи хабару маводи сомона истинод ба www.khovar.tj ҳатмӣ аст!
Дар Бохтар як зумра сарбозону афсарони қисмҳои низомӣ бо туҳфаҳои хотиравӣ сарфароз гардонида шуданд
Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Президенти Тоҷикистон: «Зиндагии орому осудаи мардуми мо ба қимати ҷони ҳазорон нафар ҷавонмардони ватандӯсту ҷоннисор ва бонангу номуси халқи тоҷик ба даст омадааст»