Дар Душанбе Мактаби химикони давлатҳои Иттиҳоди Давлатҳои Мустақил мегузарад

Ноябрь 28, 2023 16:46

ДУШАНБЕ, 28.11.2023 /АМИТ «Ховар»/. Аз 27 ноябр то 2 декабр дар шаҳри Душанбе бо ташаббуси Академияи миллии илмҳои Тоҷикистон Мактаби химикони давлатҳои иштирокчии Иттиҳоди Давлатҳои Мустақил таҳти унвони «Дастовардҳои муосири илм ва технологияи химия» мегузарад. Дар ин хусус АМИТ «Ховар» бо истинод ба Академияи миллии илмҳо хабар медиҳад.

Чорабинӣ дар ҳамкорӣ бо Фонди байнидавлатии ҳамкории гуманитарӣ доир гардида, дар он олимону коршиносони соҳа дар ҳайати 36 нафар аз Тоҷикистон, Русия, Беларус, Қазоқистон, Озарбойҷон, Узбекистон ва Арманистон иштирок доранд.

Зимни ифтитоҳи ҳамоиш ноиби президенти Академияи миллии илмҳои Тоҷикистон Гулчеҳра Қоҳирова дар робита ба тавсеа ва густариши ҳамкории илмии Академияи миллии илмҳои Тоҷикистон бо муассисаву созмонҳои байналмилалии илмӣ ибрози андеша намуд.

Иштирокдорони мактаби химикон дар ин рӯзҳо дар соҳаҳои гуногуни илми химия оид ба маводи органикӣ ва ғайриорганикӣ, кимиёи полимерҳо ва дорусозӣ, инчунин дар соҳаи кимиёи сабз маъруза пешниҳод ва муҳокима менамоянд. ­

Ёдовар мешавем, ки Академияи миллии илмҳои Тоҷикистон аз соли 2019 Мактаби химикони давлатҳои иштирокчии Иттиҳоди Давлатҳои Мустақилро баргузор менамояд. Мактаб барои ташкили фазои ягонаи илмӣ ва таълимӣ пешбинӣ шуда, муҳаққиқони соҳаи химияи органикиро муттаҳид менамояд.

АКС: Академияи миллии илмҳои Тоҷикистон

Ноябрь 28, 2023 16:46

Хабарҳои дигари ин бахш

Дар Донишгоҳи давлатии омӯзгории Тоҷикистон доир ба ҳифзи забони давлатӣ маҳфил доир шуд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Сокинони шаҳри Леваканд соҳиби сертификати касбомӯзии Донишгоҳи техникии Тоҷикистон гардиданд
Бо хатмкунандагони мактабҳои миёнаи шаҳри Хуҷанд вохӯрии судманд доир шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба Донишгоҳи давлатии фарҳанги Қазон фиристода шуданд
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд