Дар Душанбе масъалаҳои омодагӣ ба Форуми сармоягузории Тоҷикистон ва Эрон баррасӣ шуданд
ДУШАНБЕ, 07.03.2023 /АМИТ «Ховар»/. Дар Кумитаи давлатии сармоягузорӣ ва идораи амволи давлатӣ вобаста ба масъалаҳои омодагӣ ба Форуми сармоягузории Тоҷикистон ва Эрон мулоқоти раиси Кумита Саъдӣ Қодирзода бо соҳибкорони ватанӣ баргузор гардид. Дар ин хусус ба АМИТ «Ховар» дар ин Кумита хабар доданд.
Дар мулоқот изҳор гардид, ки мақсади асосии баргузории форум- ин муаррифии ҳарчӣ бештари имконияти сармоягузорию соҳибкорӣ ва дар ин замина диверсификатсияи ҷалби сармоя ба иқтисодиёти мамлакат ба ҳисоб рафта, соҳибкорони ватаниро зарур аст, ки ҷиҳати омода намудани лоиҳаҳои афзалиятноки сармоягузорӣ ва иштироки фаъолона дар форум тадбирҳои зарурӣ андешанд.
Зимни ҷамъомад дигар масъалаҳо низ вобаста ба баргузории форум аз ҷониби тарафҳо баррасӣ шуданд.
Тавре қаблан хабар додем, пагоҳ, 8 ноябр Президенти Ҷумҳурии Исломии Эрон Сайид Иброҳим Раисӣ бо сафари расмӣ ба Ҷумҳурии Тоҷикистон ташриф меорад.
Дар доираи ин сафар мулоқоту музокироти сатҳи баланди давлатӣ байни Ҷумҳурии Тоҷикистон ва Ҷумҳурии Исломии Эрон пешбинӣ гардида, доираи васеи ҳамкории дуҷониба баррасӣ мешавад.
Ҳамчунин тибқи барномаи сафар, Президенти Ҷумҳурии Исломии Эрон Сайид Иброҳим Раисӣ бо Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода мулоқот намуда, дар анҷумани соҳибкорони Тоҷикистон ва Эрон иштирок менамояд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
