«ЭКСПО 2023- СОҲИБКОРИИ ЗАНОН». Корхонаи воҳиди давлатии « Амонатбонк» маҳсулот ва хизматрасонии худро ба намоиш гузошт
ДУШАНБЕ, 16.11.2023 /АМИТ «Ховар»/. 15 ноябр бахшида ба Рӯзи байналмилалии занони соҳибкор ҳамоиши «Экспо 2023- соҳибкории занон: шарикӣ ва имконияти рушд» баргузор гардид, ки дар он Корхонаи воҳиди давлатии «Бонки амонатгузории Ҷумҳурии Тоҷикистон Амонатбонк» маҳсулот ва хизматрасонии худро ба намоиш гузошта, оид ба қарзҳои имтиёзнок, ки ба дастгирии занону духтарони соҳибкор равона гардидаанд, маълумот пешниҳод намуданд. Дар ин хусус АМИТ «Ховар» бо истинод ба Корхонаи воҳиди давлатии «Бонки амонатгузории Ҷумҳурии Тоҷикистон Амонатбонк» хабар медиҳад.
Ҳамзамон дар доираи ҳамоиш молу маҳсулот ва хизматрасонии занони соҳибкор ва ташкилоти қарзии мамлакат ба намоиш гузошта шуд. Дар қисмати дигари ҳамоиш занону духтарони соҳибкор, намояндагони вазорату идораҳо ва ташкилоти қарзӣ бо рӯнамо баромад намуданд.
Иброз гардид, ки саҳми соҳибкорон, аз ҷумла занони соҳибкор дар рушди иқтисоди миллӣ ва дар ин замина мусоидат ба зиндагии арзанда, ки ҳадафи олии Ҳукумати мамлакат аст, хело назаррас мебошад.
Муовини Раиси Раёсати Корхонаи воҳиди давлатии «Бонки амонатгузории Ҷумҳурии Тоҷикистон Амонатбонк» низ бо рӯнамо дар мавзуи «Нақши «Амонатбонк» дар беҳтар намудани дастрасии занон ба қарзҳо» сухан гуфт.
Мавсуф иброз дошт, ки мояи ифтихор аст, ки дар даврони соҳибистиқлолии мамлакат бо дастгирии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба баланд бардоштани мақоми зани тоҷик тадбирҳои муассир андешида шуданд. Дар партави ин сиёсат занони ҷумҳурӣ дар ҳама соҳаҳо фаъолияти пурсамар доранд.
Ин аст, ки занони соҳибкор дар корҳои созандагӣ, ободонӣ, таъсиси ҷойҳои корӣ, истеҳсоли маҳсулоти воридотивазкунанда ва ба содиротнигаронида дар раванди татбиқи ҳадафи чоруми миллӣ-саноатикунонии босуръати мамлакат саҳм гузошта, бо бонкҳо ҳамкорӣ менамоянд.
«Амонатбонк» дар маҷмуъ дар давраҳои ҳисоботии солҳои 2022-2023 шумораи 9 987 нафар занони соҳибкорро бо пешниҳоди маблағҳои қарзӣ дар ҳаҷми зиёда аз 189 миллион сомонӣ дастгирӣ намуд.
Таҳлилҳо нишон доданд, ки ҳаҷми қарзҳои додаи «Амонатбонк» баҳри дастгирии занони соҳибкори мамлакат дар муқоиса ба давраи ҳисоботии соли 2022 1,8 маротиба афзоиш ёфта, ин раванд дар оянда низ ҳамчун ҳадафи асосӣ дар фаъолияти Бонк қарор мегирад.
АКС: Корхонаи воҳиди давлатии «Бонки амонатгузории Ҷумҳурии Тоҷикистон Амонатбонк»
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
ҚУРБИ АСЪОР: 1 доллари ИМА аз 9.4025 то 9.4200 сомонӣ муқаррар шудааст
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
