«ЭМОМАЛӢ РАҲМОН-МЕЪМОРИ ДАВЛАТИ НАВИНИ ТОҶИКОН». Дар «Саноатсодиротбонк» Рӯзи Президент таҷлил гардид
ДУШАНБЕ, 15.11.2023. /АМИТ «Ховар»/. 14 ноябр дар Корхонаи воҳиди давлатии Бонки саноативу содиротии Тоҷикистон «Саноатсодиротбонк» ба ифтихори Рӯзи Президенти Ҷумҳурии Тоҷикистон таҳти унвони «Эмомалӣ Раҳмон-меъмори давлати навини тоҷикон» ҳамоиши тантанавӣ доир гардид. Дар ин хусус ба АМИТ «Ховар» дар «Саноатсодиротбонк» хабар доданд.
Дар ҳамоиш оид ба хизматҳои таърихии Эмомалӣ Раҳмон дар ташаккули давлати миллӣ ва таҳкими пояҳои давлатдорӣ, саҳми бузургашон дар барқарорсозии сулҳу ваҳдат ҳамчун Пешвои миллат ва Президенти мардумии Тоҷикистони соҳибистиқлол андешаҳо баён шуданд.
Дар ҳамоиш ҳамчунин филми мустанади «Эмомалӣ Раҳмон — меъмори давлати навини тоҷикон» оид ба корнамоиҳои Пешвои муаззами миллат дар роҳи ҳифзи давлати миллӣ, истиқрори сулҳу осоиш ва дастовардҳои мамлакат дар самти сиёсати дохилӣ ва хориҷӣ намоиш дода шуд.
Дар фарҷом аз ҷониби кормандони бонк дар робита ба хизматҳои шоёни Пешвои миллат дар таърихи навини миллати тоҷик ва Тоҷикистон сухан гуфта шуд.
АКС: Корхонаи воҳиди давлатии Бонки саноативу содиротии Тоҷикистон «Саноатсодиротбонк»
ҚУРБИ АСЪОР: 1 евро аз 10.8500 то 10.9425 сомонӣ муқаррар шудааст
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
