ИҚТИДОРИ РОҲБАРИИ ЗАНОНИ ХИЗМАТЧИИ ДАВЛАТӢ. Намояндаи Тоҷикистон дар машварати омӯзишӣ дар Пекин иштирок намуд
ДУШАНБЕ, 03.11.2023 /АМИТ «Ховар»/. Аз 11 то 31 октябр дар шаҳри Пекини Ҷумҳурии Мардумии Чин машварати омӯзишӣ оид ба рушди иқтидори роҳбарии занони хизматчии давлатӣ барои давлатҳои рӯ ба рушд баргузор гардид, ки дар он мудири бахши сомонаи дастгоҳи Кумитаи Иҷроияи Марказии Ҳизби Халқии Демократии Тоҷикистон Гулнигор Шукурзода маъруза намуд. Дар ин хусус АМИТ «Ховар» бо истинод ба Кумитаи иҷроияи ҳизб хабар медиҳад.
Гулнигор Шукурзода иброз дошт, ки Тоҷикистон давоми солҳои соҳибистиқлолӣ доир ба масъалаи баланд бардоштани нақши зан дар ҷомеа ва рушди иқтидори роҳбарии онҳо якчанд барномаҳо ва ташаббусҳоро амалӣ намуд. Дар ин самт таҷрибаи давлатҳои рӯ ба тараққӣ, аз ҷумла Ҷумҳурии Мардумии Чин намунаи беҳтарин маҳсуб мешавад.
Ӯ таъкид дошт, ки Ҷумҳурии Тоҷикистон давлати соҳибихтиёр, демократӣ, ҳуқуқбунёд, дунявӣ ва ягона буда, дар он ҳуқуқу озодиҳои ҳар шахс ҳамчун арзиши олӣ аз ҷониби давлат ҳифз мешавад.
Дар ин замина Фармони Президенти Ҷумҳурии Тоҷикистон «Дар бораи баланд бардоштани нақши занон дар ҷомеа» дар соли 1999 воқеан инқилобӣ гардид. Ин фармон ба вазифаҳои роҳбарикунандаи кумитаҳои давлатӣ, идораҳо, сохторҳои давлатӣ, адлия ва прокуратура таъйин намудани занонро пешбинӣ менамояд.
Дар масъалаи баланд бардоштани нуфузи зан дар ҷомеа ва амалӣ гардидани якчанд қонуну стратегияҳо дар ин самт дастур ва супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон нақши назаррас доранд.
Сарвари давлат ҳамеша ба заковати азалӣ ва неруи созандаи занони фарзонаю оқили тоҷик такя менамоянд, зеро онҳо дар татбиқи рисолати аслии худ- таҳкиму устувор гардонидани хонадон, тарбияи шоистаи фарзандони соҳибмаърифату боодоб, бонангу номус ва ватандӯсту худшинос саҳми босазо мегузоранд.
АКС: Дастгоҳи Кумитаи Иҷроияи Марказии Ҳизби Халқии Демократии Тоҷикистон
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
