МАРОТИБАИ АВВАЛ. Табибони тоҷик ҷарроҳии буриши сиркулярии хирной (трахея) бо анастамози нӯг ба нӯгро дар кӯдакон гузарониданд
ДУШАНБЕ, 11.11.2023. /АМИТ «Ховар»/. Маротибаи аввал дар Ҷумҳурии Тоҷикистон дар Муассисаи давлатии «Маркази ҷумҳуриявии илмии саратоншиносӣ» ҷарроҳии нодир- буриши сиркулярии хирной (трахея) бо анастамози нӯг ба нӯг дар кӯдакон гузаронида шуд. Дар ин хусус ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Ин ҷарроҳӣ дар як духтарчаи 10-сола, ки бо ташхиси саратони хирной ба ин марказ муроҷиат намуда буд, бомуваффақият гузаронида шуд.
Ҷарроҳи марказ Ҷовид Ҷамшедов, ки амалиёти ин ҷарроҳиро гузаронид, мегӯяд, ки қаблан ба чунин беморон, яъне беморони мубталои саратони хирной (трахея) дар кӯдакон танҳо ҷарроҳиҳои симптоматикӣ, яъне найчаи трахеостома барои нафаскашӣ гузошта мешуду халос, ки мутаассифона, гирифторони ин беморӣ умри зиёд намедиданд.
“Зеро трахея байни гулӯханҷара ва бронхҳои асосӣ ҷой гирифтааст ва тавассути он ҳаво ба шушҳо мегузарад, ки дар натиҷа агар дар дарунаш омос пайдо шавад, беморон нафас кашида наметавонанд”-иброз дошт ҷарроҳ.
Ба иттилои манбаъ, вазъи саломатии духтарчаи ҷарроҳишуда муътадил буда, ӯро ба хона ҷавоб додаанд.
АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
