Ғолибони Озмуни ҷумҳуриявии «Беҳтарин содироткунандаи Тоҷикистон» қадрдонӣ шуданд

Ноябрь 29, 2023 19:47

ДУШАНБЕ, 29.11.2023 /АМИТ «Ховар»/. Имрӯз дар шаҳри Душанбе маросими ҷоизасупорӣ ба ғолибони Озмуни ҷумҳуриявии «Беҳтарин содироткунандаи Тоҷикистон» баргузор шуд, ки дар он  51 субъекти ватанӣ  ғолиб  дониста шуда, ҳавасманд гардиданд.  Дар ин хусус ба АМИТ «Ховар» дар Агентии содироти назди Ҳукумати Ҷумҳурии Тоҷикистон хабар доданд.

Озмуни ҷумҳуриявии «Беҳтарин содироткунандаи Тоҷикистон» аз ҷониби Агентии содирот якҷоя бо вазорату идораҳои дахлдор ва шарикони рушд гузаронида шуда, дар он 84 субъекти ватанӣ, сарфи назар аз шакли моликият, ки ба содироти маҳсулот, кор ва хизматрасонӣ машғул мебошанд, дархост пешниҳод намуданд. Беҳтарин содироткунандагон аз рӯи номинатсияҳои дахлдори Қоидаҳои муқаррарнамудаи озмун интихоб шуданд. Ғолибон соҳиби ҳайкалча ва диплом гардиданд.

Роҳбарияти Агентии содирот дар маросими мазкур  аҳамияти  дар ҳудуди ҷумҳурӣ бунёд намудани корхонаҳои нави истеҳсоли маҳсулоти ба содирот нигаронидашударо  тавассути ҷорӣ намудани технологияҳои нав, таъсиси ҷойҳои нави корӣ дар ин замина, истифодаи ҳарчи бештари манбаъҳои ашёи хоми маҳаллӣ ва коркарди пурраи онро  шарҳ дода,  дар натиҷаи  амалишавии  ин  иқдом ғанӣ гардидани буҷети давлативу дарёфти манбаъҳои нави воридоти асъори хориҷӣ баҳри муътадил нигоҳ доштани сатҳи таваррумро дар ҷумҳурӣ таъкид  намуд.

Ба Ҳукумати Ҷумҳурии Тоҷикистон  барои  зоҳир намудани таваҷҷуҳи махсус ба соҳа, инчунин ба ҳамаи ғолибони озмуну  иштирокчиёни чорабинӣ ва шарикони рушд барои саҳми арзанда гузоштанашон дар рушди иқтисодиёти миллӣ изҳори сипосмандӣ карда шуд.


Озмуни ҷумҳуриявии «Беҳтарин содироткунандаи Тоҷикистон» соли дуюм аст, ки таҳти дастгирии Ҳукумати Ҷумҳурии Тоҷикистон ва кумакҳои сарпарастону шарикони рушд дар доираи «Барномаи давлатии рушди содироти Ҷумҳурии Тоҷикистон барои солҳои 2021-2025» баргузор мегардад.

Мақсади баргузории озмун- ин дарёфти содироткунандаи боэътимод, рушди содирот, тақвияти истеҳсолоти ба содирот нигаронида, дуруст ва дақиқ муайян намудани содироткунандагони  боэътимод ва дурнамои иқтидори содиротии онҳо мебошад.

Ёдовар мешавем, ки бо Қарори Ҳукумати Ҷумҳурии Тоҷикистон 30 апрели соли 2021 «Барномаи давлатии рушди содироти Ҷумҳурии Тоҷикистон барои солҳои 2021-2025» қабул гардидааст.

Ҳадафи он ташаккули Низоми миллии дастгирии содирот, баланд бардоштани  рақобатпазирии маҳсулоти ватанӣ дар бозорҳои хориҷӣ, тақвияти инфрасохтори нақлиётӣ-логистикӣ, муаррифии маҳсулоти содиротии ватанӣ ва содироткунандагон, баланд бардоштани мақоми байналмилалии Ҷумҳурии Тоҷикистон ҳамчун шарики боэътимод дар муносибатҳои иқтисоди хориҷӣ ва дарёфти бозорҳои нави содиротӣ мебошад.

АКС: АМИТ «Ховар»

Ноябрь 29, 2023 19:47

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Тавсеаи ҳамкории Тоҷикистон ва Созмони Милали Муттаҳид дар самти ҳифзи муҳити зист муҳокима шуд
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Президенти Ҷумҳурии Тоҷикистон Эмомалӣ Раҳмон ба якчанд қонун имзо гузоштанд