Портали миллии сайёҳии Тоҷикистон дар таҳрири нав мавриди истифода қарор дода шуд

Ноябрь 27, 2023 15:32

ДУШАНБЕ, 27.11.2023 /АМИТ «Ховар»/. 27 ноябр дар Кумитаи рушди сайёҳии назди  Ҳукумати Ҷумҳурии Тоҷикистон маросими ифтитоҳи портали сайёҳии Тоҷикистон www.traveltajikistan.tj дар таҳрири нав баргузор гардид. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.

Раиси Кумита иброз намуд, ки портали миллии такмилёфтаи сайёҳӣ идомаи талошҳои Ҳукумати Ҷумҳурии Тоҷикистон баҳри муаррифии имконияти бузурги сайёҳӣ ва ҷалби бештари сайёҳон ба мамлакат мебошад.

Портал дар ҳамкорӣ бо мутахассисони Ҷамъияти дорои масъулияташ махдуди  «Сомон Технолоҷи» дар шакл ва тарҳи нав бо истифода аз равзанаҳои муҳими иттилоотию таблиғотӣ таҳия шудааст.

Портал тамоми самтҳои фаъолияти сайёҳии Тоҷикистонро фаро гирифта, воситаи хуби иттилоотӣ барои сайёҳон ва алақамандони  мамлакат мебошад. Дар саҳифаи аввали портал бо навиштаҷоти «Тоҷикистон- сарзамини кӯҳҳои нотакрор, пиряхҳои абадӣ, чашмаҳои шифобахш, оби пок ва фарҳанги бостонӣ» бо тағйир ёфтани аксҳои ҷолиб бинанда ҷолибияти имконияи мамлакатро эҳсос менамояд.

Дар портал маълумоти пурра оид ба имконоти сайёҳии Тоҷикистон, минтақаҳо (Вилояти Мухтори Кӯҳистони Бадахшон, Хатлон, Суғд, шаҳри Душанбе ва ноҳияҳои тобеи ҷумҳурӣ) ва равзанаҳои иттилоотии зерин, аз қабили «Намудҳои сайёҳӣ», «Хатсайрҳо», «Чорабиниҳо/Ҷашнҳо», «Дастур барои сайёҳ» (асъор, нақлиёт,  меҳмонхона, раводид) ҷойгир шудааст.

Инчунин ба он равзанаҳои алоҳидаи «Истисноҳои муфид», «Тағйирёбии шароити обу ҳаво дар реҷаи онлайн», «Тағйирёбии шароити қурби асъор дар реҷаи онлайн» ва ғайра дохил мешаванд, ки барои истифодабарандагон, бахусус сайёҳони хориҷӣ хеле муфид аст.

Портали сайёҳии Тоҷикистон бо 3 забон- тоҷикӣ, русӣ ва англисӣ омода ва ба сайёҳони хориҷию дохилӣ нигаронида шуда, ба смартфонҳо ва планшетҳо мутобиқ шудааст.

Портали миллии сайёҳӣ қадами хеле зарурӣ барои таъмини сайёҳони хориҷӣ ва дохилӣ бо маълумоти босифат ва боэътимод дар бораи мавзеъҳои сайёҳии давлати мо мебошад. Дар ин ҷо барои дӯстдорони кӯҳҳо, обу чашмаҳо, табиат, таърих, меъморӣ, дин, экология, ҷуғрофиё, этнография ва дигар соҳаҳо маълумоти зарурӣ мавҷуд мебошад.

Бояд гуфт, ки сафар ба Тоҷикистон бо истифода аз портали сайёҳӣ метавонад барои ҳар сайёҳ хотираи гуворое аз саргузашти воқеии ҳаёт бошад. Яъне, портал воситаи хуби банақшагирии сафар барои онҳое мебошад, ки мехоҳанд давлати зебои моро тамошо намоянд.

АКС: Кумитаи рушди сайёҳии назди  Ҳукумати Ҷумҳурии Тоҷикистон

Ноябрь 27, 2023 15:32

Хабарҳои дигари ин бахш

Рушди ҳамкории Тоҷикистон ва Туркия дар соҳаи сайёҳӣ тақвият меёбад
Дар Вазорати молияи Тоҷикистон барои маблағгузории лоиҳаи «Таҷдиди зеристгоҳи Суғд-500» созишномаҳо ба имзо расиданд
«ХАТТИ ТАЙЁР». Дар вилояти Суғд техникаҳои кишоварзӣ ба мавсим омода карда мешаванд
Раиси шаҳри Душанбе Рустами Эмомалӣ бо директори минтақавии ширкати «BYD»-и Чин дар Осиёи Марказӣ мулоқот намуданд
Қарорҳои Ҳукумати Ҷумҳурии Тоҷикистон
Фармонҳои Президенти Ҷумҳурии Тоҷикистон
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Президенти Ҷумҳурии Тоҷикистон Эмомалӣ Раҳмон дар Вазорати мудофиа ва Қувваҳои Мусаллаҳ таъйиноти кадрӣ ба амал оварданд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
«Амонатбонк» ва Институти ҷаҳонии бонкҳои амонатгузорӣ ва чакана муносибатҳои шарикиро дар сатҳи нав қарор медиҳанд
ГРАНТИ ПРЕЗИДЕНТИ ТОҶИКИСТОН ДАР СОЛИ 2024. Вазорати меҳнат, муҳоҷират ва шуғли аҳолӣ ҳунармандонро барои дарёфти ин грант ба озмун даъват менамояд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид