Рӯзи Парчами давлатиро дар Кӯлоб бо роҳпаймоӣ ҷашн гирифтанд
![](https://khovar.tj/wp-content/uploads/2023/11/Makomoti-Kulob-Ruzi-Parcham.jpg)
ДУШАНБЕ, 24.11.2023 /АМИТ «Ховар»/. Дар шаҳри Кӯлоб бахшида ба Рӯзи Парчами давлатии Ҷумҳурии Тоҷикистон бо иштироки роҳбарияти мақомоти иҷроияи ҳокимияти давлатии шаҳр, намояндагони мақомоти ҳифзи ҳуқуқ, роҳбарони ташкилоту муассисаҳо ва кормандони касбу кори гуногун роҳпаймоӣ баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Кӯлоб хабар медиҳад.
Бояд гуфт, ки имрӯзҳо дар саросари ҷумҳурӣ ҷиҳати таҷлили шоистаи Рӯзи Парчами давлатӣ дар кӯчаҳо, гулгашту хиёбонҳо, биноҳои маъмурию корхонаҳо ва ташкилоту муассисаҳо шиору овезаҳо насб шудаанду кормандони тамоми соҳаҳо ба раҳпаймоии осоишта мебароянд.
Таҷлили шоистаи ин рӯз на танҳо рамзи давлатдорию ифтихор аз он, балки рамзи худшиносиву худогоҳӣ, пирӯзиву сарфарозӣ ва ҳувияти миллии мардуми тамаддунофари тоҷик маҳсуб мешавад.
АКС: Мақомоти иҷроияи ҳокимияти давлатии шаҳри Кӯлоб