СОЛҲОИ РУШДИ САНОАТ. Дар шаҳри Хуҷанд корхонаҳои саноатӣ бунёд ва навсозӣ мешаванд
ДУШАНБЕ, 21.11.2023 /АМИТ «Ховар»/. Дар шаҳри Хуҷанд ба истиқболи 35-солагии Истиқлоли давлатии Ҷумҳурии Тоҷикистон ва Солҳои рушди саноат (2022-2026) якчанд корхонаҳои саноатӣ бунёд ва навсозӣ мешаванд. 19 ноябр Раиси вилояти Суғд бо ҷараёни кор дар ин корхонаҳо шинос гардид. Дар ин хусус АМИТ «Ховар» бо истинод ба Хадамоти матбуоти Раиси вилоят хабар медиҳад.
Зимни шиносоӣ бо васлу насби таҷҳизоти муосир дар Ҷамъияти дорои масъулияти маҳдуди «Суғдтекстайлз» (собиқ корхонаи «Кобул-Тоҷик-Текстайлз») иттилоъ дода шуд, ки ин корхона аз нав фаъол гардидааст.
Корхонаи азими саноатӣ бо таҷҳизоту технологияи олмонӣ муҷаҳҳаз шуда, коргоҳҳои ресандагиву бофандагӣ, дӯзандагӣ, рангу бори матоъ таъсис дода мешаванд ва 3500 нафар соҳиби ҷойи кор мегарданд. Муассисон тасмим гирифтаанд, ки дар он коркарди пурраи пахта то маҳсулоти ниҳоӣ амалӣ гардад.
Роҳбари вилоят ҳамчунин бо ҷараёни корҳои сохтмонӣ дар коргоҳи равғанбарории Ҷамъияти дорои масъулияти маҳдуди «Сирдарё», коргоҳи коркарди меваву сабзавоти Ҷамъияти дорои масъулияти маҳдуди «Доро инвест» ва Ҷамъияти дорои масъулияти маҳдуди «Таҷпроф» шинос шуд.
Бунёду замонависозии корхонаҳо дар вилоят бо мақсади расидан ба ҳадафи чоруми миллӣ-саноатикунонии босуръат амалӣ мешавад.
АКС: Хадамоти матбуоти Раиси вилояти Суғд
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Дар Минтақаи озоди иқтисодии «Данғара» дар 10 моҳ 8 корхонаи саноатӣ фаъолият намудааст
Сарвари давлат Эмомалӣ Раҳмон бо Президенти Гурӯҳи Бонки умумиҷаҳонӣ Аҷай Банга мулоқот намуданд
«ШОҲИ МЕВАҲО». Бо истифода аз мавсими хурмо ин меваро ба нафъи саломатӣ бояд истеъмол намуд
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
ПАРКҲОИ ТЕХНОЛОГӢ. Чаро онҳо мутобиқ ба талаботи замон фаъолият надоранд?
3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
Пешвои миллат Эмомалӣ Раҳмон бо Вазири давлатии Амороти Муттаҳидаи Араб Аҳмад Алӣ ал-Сайеғ мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар Саммити Гурӯҳи 77 ва Чин дар ҳошияи Конфронси ҷонибҳои Конвенсияи қолабии СММ оид ба тағйирёбии иқлим (COP 28)
Президенти Ҷумҳурии Тоҷикистон Эмомалӣ Раҳмон дар Саммити Гурӯҳи 77 ва Чин дар ҳошияи Конфронси ҷонибҳои Конвенсияи қолабии СММ оид ба тағйирёбии иқлим (COP 28) иштирок ва суханронӣ намуданд
«ТОҶИКОН» – ОИНАИ ТАЪРИХИ МИЛЛАТ». Шаҳри Душанбе бо гирифтани 2 Шоҳҷоиза, 11 ҷой ва 3 ҷойи ифтихорӣ дар ҷумҳурӣ беҳтарин дониста шуд
Пешвои миллат Эмомалӣ Раҳмон дар Мизи мудаввари сатҳи баланди Саммити ҷаҳонӣ оид ба амалҳои иқлимӣ иштирок ва суханронӣ намуданд
