Вазири маориф ва илм бо роҳбари намояндагии Барномаи ҷаҳонии озуқавории СММ дар Тоҷикистон вохӯрӣ намуд

ДУШАНБЕ, 01.11.2023. /АМИТ «Ховар»/. Дар вазорати  маориф ва илми Ҷумҳурии Тоҷикистон бо роҳбари Намояндагии Барномаи ҷаҳонии озуқавории СММ дар Тоҷикистон (БОҶ СММ) Адҳам Мусаллам вохӯрӣ доир гардид. Дар ин хусус АМИТ «Ховар» бо истинод ба Вазорати маориф ва илми ҷумҳурӣ хабар медиҳад.

Ҷонибҳо аз рушди ҳамкорӣ байни Ҷумҳурии Тоҷикистон ва Барномаи озуқавории ҷаҳонии СММ изҳори қаноатмандӣ карда, дастгириҳои  Барномаи ҷаҳонии озуқавории СММ-ро  дар Тоҷикистон дар  татбиқи барномаи ғизои мактабӣ  таъкид намуданд.

Адҳам Мусаллам изҳор дошт, ки Барномаи ҷаҳонии озуқавории СММ дар Тоҷикистон ҳамеша ҷиҳати рушди ҳамкорӣ ва иҷрои лоиҳаҳои муштарак бо Вазорати маориф ва илми Ҷумҳурии Тоҷикистон омода аст ва тавсеаи ҳамкорӣ сабаби пешрафту тараққиёти ҷонибҳо мебошад.

АКС: Маркази матбуоти Вазорати маориф ва илми Ҷумҳурии Тоҷикистон