Ҳайати Маҷлиси умумичинии намояндагони халқии Ҷумҳурии Мардумии Чин Қалъаи Ҳисорро тамошо намуд
ДУШАНБЕ, 18.12.2023 /АМИТ «Ховар»/. Муовини Раиси Кумитаи доимии Маҷлиси умумичинии намояндагони халқии Чин муҳтарам Чжан Тсинвэй ва ҳайати ҳамроҳонаш зимни сафари расмӣ ба Ҷумҳурии Тоҷикистон ба Мамнуъгоҳи таърихию фарҳангии «Ҳисор» рафта, осорхонаи таърихию фарҳангӣ, Арки Қалъаи Ҳисор, Аскархона, Қасри Ҳоким ва Амфитеатрро тамошо намуда, бо фарҳангу таърихи гузаштаи шаҳри бостонии Ҳисори Шодмон ва дар маҷмуъ бо тамаддуни миллати тоҷик шинос шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Инчунин меҳмонон Боғи зимистонаи «Шаршара»-ро тамошо намуданд. Дар толори боғ ба ифтихори ташрифи меҳмонон барномаи фарҳангӣ доир гардид. Таъкид шуд, ки , ки дӯстии мардумони Тоҷикистон ва Чин, ки ҳарду дар Шоҳроҳи Бузурги Абрешим мавқеъ гирифтаанд, аз умқи таърих сарчашма гирифтааст. Ҳанӯз соли 630-и мелодӣ сайёҳи Чин Сюан Тсзян ба Осиёи Миёна сафар намуда, дар сафарномааш «Тахористон» аз Ҳисор, ки он замон Шумон ё ба истилоҳи чиниҳо Сумон ном бурда мешуд, аз расму оин ва фарҳанги тоҷикони ин мавзеи бостонӣ ёдовар шудааст, ки бегумон аз огоҳии муаррихону ҷуғрофишиносони ин кишвар оид ба Ҳисори куҳан дарак медиҳад.
Дар замони соҳибистиқлолии Ҷумҳурии Тоҷикистон бо ташаббусҳои бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин равобити ҳасанаи ду давлат ба марҳилаи нави рушд ворид гардида, ҳамгироӣ дар доираи Созмони Ҳамкории Шанхай ва дигар созмонҳои байналмилаливу минтақавӣ аҳамияти махсус касб намуд.
Ҷонибҳо аз сафари расмии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ба Ҷумҳурии Мардумии Чин, ки моҳи августи соли равон доир гардид, ёдовар шуда, саҳми Ҷумҳурии Мардумии Чинро ҳамчун шарики боэътимоди стратегӣ дар соҳаҳои гуногун, бахусус тиҷорату иқтисод, сармоягузорӣ, сохтмони роҳу нақбҳо, воридоти технологияҳои нав, муҳайё намудани заминаҳо барои истеҳсоли технологияи «сабз» дар рушди иқтисоди Тоҷикистон арзишманд маънидод намуданд.
Ҳунармандони бахши фарҳанги шаҳр барномаи ҷолиби консертиро пешкаши меҳмонони чинӣ гардониданд.
АКС: Мақомоти иҷроияи ҳокимияти давлатии шаҳри Ҳисор
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
Муовини вазири корҳои хориҷии Умон дар Осорхонаи миллии Тоҷикистон бо таъриху тамаддуни тоҷикон шинос гардид
Дар Теҳрон китоби «Бо корвони «Шоҳнома»: аз Тӯс то Душанбе» ба нашр расид
35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
