Ҳайати Тоҷикистон дар ҷаласаи 10-уми Конфронси давлатҳои аъзои Конвенсияи СММ зидди коррупсия иштирок намуд

ДУШАНБЕ, 16.12.2023. /АМИТ «Ховар»/. Ҳайати Ҷумҳурии Тоҷикистон таҳти роҳбарии директори Агентии назорати давлатии молиявӣ ва мубориза бо коррупсия Сулаймон Султонзода дар шаҳри Атлантаи Иёлоти Муттаҳидаи Амрико дар ҷаласаи 10-уми Конфронси давлатҳои аъзои Конвенсияи Созмони Милали Муттаҳид зидди коррупсия иштирок намуд.

Тавре ба АМИТ «Ховар» дар Агентии назорати давлатии молиявӣ ва мубориза бо коррупсия  хабар доданд, дар конфронс доир ба сиёсати давлатии зиддикоррупсионӣ ва дастовардҳои Тоҷикистон дар самти муқовимат ба коррупсия маълумот дода шуд.

Бояд гуфт, ки конфронси мазкур бахшида ба 20-солагии қабули Конвенсияи Созмони Миллали Муттаҳид зидди коррупсия баргузор гардида, дар кори он намояндагон ва шахсони воломақоми зиёда аз 150 давлати аъзои Созмони Милали Муттаҳид иштирок намуданд.

Аз рӯйи натиҷаҳои масъалаҳои баррасишуда қарорҳои дахлдор қабул гардиданд, ки онҳо метавонанд дар ташаккули минбаъдаи муқовимат ба коррупсия мусоидат намоянд.

АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон