Байни Ҷумҳурии Тоҷикистон ва Фонди ОПЕК оид ба рушди байналмилалӣ созишномаҳои қарзӣ ба имзо расиданд
ДУШАНБЕ, 20.12.2023 /АМИТ «Ховар»/. Байни Ҷумҳурии Тоҷикистон ва Фонди ОПЕК оид ба рушди байналмилалӣ барои ҳаммаблағгузории марҳилаи якуми лоиҳаи «Таҷдиди роҳи автомобилгарди Гулистон – Фархор – Панҷ – Дӯстӣ» ва марҳилаи дуюми лоиҳаи «Дастгирии татбиқи Стратегияи миллии рушди маориф» созишномаҳои қарзӣ ба имзо расонида шуданд.
Созишномаҳои қарзӣ имрӯз зимни мулоқоти Вазири молияи Ҷумҳурии Тоҷикистон Файзиддин Қаҳҳорзода бо Директори генералии Хазинаи ОПЕК оид ба рушди байналмилалӣ доктор Абдулҳамид Алхалифа ба имзо расонида шуд.
Ҳадафи асосии лоиҳаи «Таҷдиди роҳи автомобилгарди Гулистон – Фархор – Панҷ – Дӯстӣ»- ин баланд бардоштани самаранокӣ ва сифати шабакаи роҳҳои автомобилгарди Ҷумҳурии Тоҷикистон ва мусоидат ба рушди иқтидори транзити байналмилалии ҷумҳурӣ мебошад.
Маблағи созишнома 10 млн доллари амрикоиро ташкил намуда, пурра аз ҳисоби маблағҳои қарзи имтиёзноки Фонди ОПЕК оид ба рушди байналмилалӣ маблағгузорӣ мегардад.
Мақсади ҳаммаблағгузории марҳилаи дуюми лоиҳаи «Дастгирии татбиқи Стратегияи миллии рушди маориф»- ин мусоидат ба беҳтар намудани муҳити омӯзиш ва таҳкими низоми маориф дар Ҷумҳурии Тоҷикистон тариқи навсозӣ ва васеъ гардонидани дастрасӣ ба инфрасохтори мактабӣ, ташкил ва тавсеаи низоми омӯзиши пайвастаи касбии омӯзгорон, ҷорӣ намудани арзёбии миллии омӯзиш ва мониторинги дастовардҳои таълим мебошад.
Маблағи созишномаи гуфташуда 8 млн доллари амрикоиро ташкил намуда, пурра аз ҳисоби маблағҳои қарзи имтиёзноки Фонди ОПЕК оид ба рушди байналмилалӣ маблағгузорӣ мегардад.
Созишномаҳои қарзиро Вазири молияи Ҷумҳурии Тоҷикистон Файзиддин Қаҳҳорзода ва Директори генералии Хазинаи ОПЕК оид ба рушди байналмилалӣ доктор Абдулҳамид Алхалифа ба имзо расониданд.
АКС: Вазорати молияи Ҷумҳурии Тоҷикистон
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
