Дар Душанбе ҷаласаи комиссияи байниидоравии давлатӣ оид ба маърифати экологии аҳолӣ баргузор шуд
ДУШАНБЕ, 26.12.2023 /АМИТ «Ховар»/. Дар Душанбе таҳти раёсати муовини Сарвазири Ҷумҳурии Тоҷикистон Сулаймон Зиёзода дар доираи татбиқи «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» ҷаласаи комиссияи байниидоравии давлатӣ оид ба маърифати экологӣ баргузор гардид.
Дар Кумитаи ҳифзи муҳити зисти назди Ҳукумати ҷумҳурӣ ба АМИТ «Ховар» иттилоъ доданд, ки дар ҷаласа аъзои комиссияҳои байниидоравии давлатӣ ва комиссияҳои марбутаи Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе ва ноҳияҳои тобеи ҷумҳурӣ иштирок намуданд.
Муовини Сарвазири ҷумҳурӣ Сулаймон Зиёзода иқдому ташаббусҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро оид ба ҳифзи обу иқлим, аз ҷумла ташаббуси навбатӣ дар мавриди Соли байналмилалии ҳифзи пиряхҳо эълон гардидани соли 2025, инчунин дастгирии давлатӣ оид ба ҳамаи самтҳои ҳифзи муҳити зист, аз ҷумла рушди иқтисоди «сабз» ва тағйирёбии иқлимро махсус таъкид намуд.
Дар ҷаласа аз рӯи ин масъала муовини раиси комиссияи байнииидоравии давлатӣ, Раиси Кумитаи ҳифзи муҳити зисти назди Ҳукумати ҷумҳурӣ Баҳодур Шерализода оид ба натиҷаи ҷараёни иҷрои барномаи мавриди назар дар фаъолияти комиссияҳои марбутаи мақомоти иҷроияи ҳокимияти давлатии вилоятҳо ва шаҳру ноҳияҳои ҷумҳурӣ, ки қаблан мавриди таҳлилу омӯзиш қарор гирифта буд, ба таври мушаххас маълумот дод.
Инчунин ҳар аъзои комиссия дар маҳал, намояндагони вазорату идораҳо ва дигар муассисаҳои масъул оид ба фаъолияти соли 2023 дар самти татбиқи барнома гузориш доданд.
Дар анҷом бо назардошти иҷрои ҳисобот, дастуру супоришҳо ва таклифу пешниҳодҳо қарори марбутаи ҷаласа қабул гардид.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар шаҳри Бӯстон мушкилии таъминот бо об бартараф гардид
Дар ноҳияи Зафаробод 12 пойгоҳи обкашӣ фаъолият дорад
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
