Интиқоли зиёда аз 71 кг маводи нашъаовари навъи героин пешгирӣ гардид
ДУШАНБЕ, 06.12.2023 /АМИТ «Ховар»/. Аз ҷониби кормандони дидбонгоҳи гумрукии «Фотеҳобод» дар ноҳияи Мастчоҳ ва Раёсати минтақавии гумрукӣ дар вилояти Суғд ҳолати интиқоли ғайриқонунии маводи мухаддир дар ҳаҷми калон пешгирӣ шуд.
Тавре ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон хабар доданд, 21 ноябри соли равон, тахминан соати 09:30-и субҳ, ҳангоми гузаронидани назорати гумрукӣ ва корҳои фаврӣ-ҷустуҷӯӣ воситаи нақлиёти боркаши тамғаи «Мерседес Бенс Актрос-184», рақами қайди давлатиаш У180 ЕН 797 бо ядаки тамғаи «Шмитс SKO 24», рақами қайди давлатиаш ТА 3610/77, мутааллиқ ба Федератсияи Русия, таҳти идораи ронанда, шаҳрванди Ҷумҳурии Тоҷикистон Бӯриев Меҳровар Ҳокимович, соли таваллудаш 15 майи соли 1992, зода ва истиқоматкунандаи шаҳри Истаравшани вилояти Суғд, бо гумони интиқоли ғайриқонунии воситаҳои нашъадор боздошт гардид.
Ҳангоми азназаргузаронӣ аз пинҳонгоҳи махсуси дохили бордони ин воситаи нақлиёт 65 бастаи полиэтилении рангаш сиёҳ, ки дар дохили он маводи хокамонанди рангашон сафед бо бӯи махсус ҷойгир буд, ёфта, гирифта шуд.
Мувофиқи маълумотномаи мутахассис-криминалисти шуъбаи ташхисӣ-криминалистикии Раёсати Вазорати корҳои дохилии Ҷумҳурии Тоҷикистон дар вилояти Суғд аз 21 ноябри соли 2023, маводи мусодирашуда маводи нашъадори навъи героин буда, вазни умумии он 71 кг 110 граммро ташкил медиҳад.
Аз рӯи ин ҳолат аз тарафи Раёсати минтақавии гумрукӣ дар вилояти Суғд нисбат ба шаҳрванд Бӯриев Меҳровар Ҳокимович ва дигарон бо аломатҳои моддаҳои 200, қисми 4, банди «д» ва 289 қисми 3 Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, аз рӯи тобеияти тафтишот ба прокуратураи вилояти Суғд ирсол гардид.
Бояд гуфт, ки бо такя ба имконоти муосир ва истифодаи навтарин хизматрасонӣ назорати гумрукӣ дар ҷумҳурӣ ба стандартҳои байналмиллалӣ мутобиқ мебошад.
Ин имкон медиҳад, ки амалҳои номатлуб, аз ҷумла қонуншиканиҳо ва роҳҳои қоҷоқ ошкору пешгирӣ шаванд.
АКС: Хадамоти гумруки назди Ҳукумати Ҷумҳурии Тоҷикистон
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
